Zialenski: Pucin skazaŭ Trampu, što zachopić Danbas za try-čatyry miesiacy
«I kali my vyviedziem vojski, i jon atrymaje ŭvieś Danbas, chto daść harantyju, što jon nie pojdzie dalej — na 90 kiłamietraŭ da Charkava? Bo jon zaŭsiody chacieŭ Charkaŭ», — zaznačyŭ prezident Ukrainy.
Uładzimir Pucin zajaviŭ prezidentu ZŠA Donaldu Trampu i jaho śpiecpavieranamu Styvu Uitkafu, što maje namier poŭnaściu zachapić Danbas maksimum za čatyry miesiacy. Pra heta raspavioŭ prezident Ukrainy Uładzimir Zialenski ŭ intervju ABC News, apublikavanym u aŭtorak.
«Heta samaja ŭmacavanaja častka z najbolš bajazdolnymi siłami», — patłumačyŭ Zialenski, adkazvajučy na pytańnie, čamu Ukraina nie moža pajści na sastupki pa Danbasie.
— «Heta jak krepaść… I kali my vyviedziem vojski, i jon atrymaje ŭvieś Danbas, chto daść harantyju, što jon nie pojdzie dalej — na 90 kiłamietraŭ da Charkava? Bo jon zaŭsiody chacieŭ Charkaŭ».
Zajavy Zialenskaha pra los Danbasa prahučali na fonie paviedamleńniaŭ pra toje, što Pucin pradstaviŭ Trampu «mirny płan» pa Ukrainie padčas ich dvuchbakovoj sustrečy na Alascy 15 žniŭnia. Pavodle hetaha płana, Ukraina pavinna była pieradać Rasii nieakupavanyja terytoryi Danbasa ŭ abmien na piśmovaje abaviazacielstva Kramla bolš nie pačynać vajnu suprać jaje, nahadvaje Rasijskaja słužba Radyjo Svaboda.
«Jon vielmi imknuŭsia sustrecca z prezidentam Trampam, z prezidentam Złučanych Štataŭ, i, jak mnie zdajecca, toje, što Pucin hetaha dasiahnuŭ — sumna, — skazaŭ Zialenski. — Pucin nie choča sustrecca sa mnoj, ale choča sustrecca z prezidentam ZŠA, kab pakazać usim fatahrafii i videa svajoj sustrečy».
Paśla pieramovaŭ ź Zialenskim i jeŭrapiejskimi lidarami ŭ Biełym domie 18 žniŭnia Donald Tramp abviaściŭ pra namier arhanizavać dvuchbakovuju sustreču prezidentaŭ Ukrainy i Rasii. Adnak 3 vieraśnia Pucin zajaviŭ, što hatovy sustrecca ź Zialenskim asabista tolki ŭ tym vypadku, kali takaja sustreča adbudziecca ŭ Maskvie.
«Ja nie mahu pajechać u Maskvu, kali maja kraina štodzionna znachodzicca pad abstrełami. Heta vidavočna, i jon heta cudoŭna razumieje, — adznačyŭ Zialenski. — Jon robić heta, kab ciahnuć čas… Pucin hulaje ŭ hulni — i hulaje ich z Złučanymi Štatami».
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna14
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
Kamientary