Adzinuju žančynu-ministra adpravili ŭ adstaŭku. Natalla Paŭlučenka pratrymałasia na pasadzie paŭtara hoda
Alaksandr Łukašenka pryznačyŭ Andreja Łaboviča ministram pracy i sacyjalnaj abarony. Da hetaha času na hetaj pasadzie pracavała Natalla Paŭlučenka.
«Treba, kab ministerstva heta było vidać. Ja nie chaču papraknuć našych žančyn, jakija pracavali ministrami dahetul, ale jany niejak ścipła vyhladali. Moža, heta i dobra? Treba, kab ministerstva heta hučała», — patłumačyŭ jaje adstaŭku Alaksandr Łukašenka.
Paŭlučenka pojdzie na pracu ŭ parłamient.
«Hod žančyn. Žančyn kryŭdzić ni ŭ jakim razie nielha. Tamu … jana ž zhodnaja pracavać u parłamiencie?» — spytaŭ Alaksandr Łukašenka.
«Viadoma, viadoma», — paćvierdziŭ kiraŭnik Administracyi Dźmitryj Kruty.
Andrej Łabovič pierachodzić na ministerskuju pasadu z pasady namieśnika staršyni Kamiteta dziaržaŭnaha kantrolu.
Andrej Łabovič naradziŭsia ŭ 1978 hodzie ŭ Słonimie, skončyŭ BDEU (2001), Akademiju kiravańnia (2015).
U 2012—2015 hadach byŭ pieršym namieśnikam kiraŭnika administracyi Zavodskaha rajona horada Minska.
U 2015—2021 hadach — pieršy namieśnik ministra pracy i sacyjalnaj abarony.
Z červienia 2021 hoda byŭ namieśnikam staršyni Kamiteta dziaržaŭnaha kantrolu.
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak41
Kamientary