Staś Karpaŭ: A što, jość abaviazak — lubić hiej-parady?

Kali ščyra, ja nikoli nie dumaŭ, što budu advakatam Paŭła Sieviarynca, advakatam «hamafobii» i usiaho takoha. Ale, pakolki ŭ mianie tut adbyłasia vočna-zavočnaja sprečka pa temie, ja vykažusia jašče razok.

Nie viedaju, jak u našaj supołcy vajaroŭ za svabodu słova musić vykazvacca čałaviek, kab jamu nie prylatała.

I ja nie viedaju, čamu, kali čałaviek vykazvaje svajo mierkavańnie — na jaho mierkavańnie adrazu napialvajuć futra pad nazvaj «prymušaje», bociki pad nazvaj «nie dazvalaje», šapačku pad nazvaj «dyskryminuje» i voś takuju strašnuju pačvarku vypuskajuć na vulicu pahulać, kab paśla nadavać joj padsračnikaŭ.

Sieviaryniec daŭ intervju na dźvie hadziny. Tam jon raskazaŭ šmat pra što. I šmat z čym možna było b paspračacca. Naprykład, ź jaho razumieńniem biełarusaŭ, ź jahonym razumieńniem Zianona, ź jahonym razumieńniem Cichanoŭskaj, z razumieńniem cnoty i askiezy, relihijnaści i biełaruskaści. Ale zacikaviła ŭsich tolki jahonaja asabistaja (asabistaja!) pazicyja nakont hiej-paradaŭ.

U jaho nie pytali, što jon dumaje pra prava hiejaŭ na toje, kab być, na prava na sumiesnuju haspadarku, na šlub, na ahulnuju majomaść, na prava raścić dziaciej.

Jaho spytali pra hiej-parady. I jon skazaŭ, što suprać hiej-paradaŭ. I vy zasmucilisia.

Skažycie, vy b chacieli kab jon sp****ieŭ vam pra svajo staŭleńnie da hiej-paradaŭ? A pra što jašče? Pra Paźniaka? Pra Cichanoŭskuju? Kab jon p****ieŭ usio intervju całkam?

Ja, darečy, prapuściŭ toj momant, kali u čałavieka źjaviŭsia abaviazak lubić hiejaŭ i spačuvać hiejam? Heta zapisana ŭ hieniecičaskim kodzie, u kanstytucyi, na niejkich skryžalach? Dzie heta zapisana? Nazavicie mnie miesca, kab ja pačytaŭ.

Jakimi bolš miahieńkimi słovami čałaviek moža skazać, što jon suprać hiej-paradaŭ? Ci čałaviek nie moža być suprać hiej-paradaŭ? Ci Sieviaryniec — adziny čałaviek (ź niekalkich miljardaŭ ludziej, katoryja suprać hiej paradaŭ), jaki nie moža być suprać hiej-paradaŭ?

Vy praviali dach** hiej-paradaŭ i ciapier z vychadam Sieviarynca łavačka prykryłasia?

Ja, naprykład, naohuł suprać paradaŭ. Lubych paradaŭ. Ci pavinien ja atrymać promni nianaviści ad hiejaŭ z adnaho boku i ad tankistaŭ — ź inšaha?

Ja liču relihijnaść zahanaj śviadomaści. Mnie možna takoje kazać?

Ja nie zaklikaju lačyć relihijnych ludziej. Ja za prava relihijnych ludziej stvarać siemji i raścić dziaciej. Praŭda, mnie nie padabajucca chrosnyja chady. I rezańnie baranoŭ na vulicach. Ja b nie byŭ suprać, kali b nikoli hetaha nie bačyŭ.

Mnie takoje možna kazać? Ci mnie takoje nie možna kazać? Mnie kazać takoje, što vy ličycie cyvilizavanym i pieradavym? A kali vaš nabor pravilnaha źmienicca — dzie možna pačytać śpis zaćvierdžanaha, kab nie adstavać ad trendaŭ?

Au. Dzie pačytać?

• 16
• 2
• 2
• 2
• 0
• 0
• 0
• 0