U Žodzinie častka damoŭ zastałasia biez aciapleńnia i haračaj vady
Uviečary ŭ čaćvier u rajonie vulicy Cimirazieva, 9 na ŭčastku ciepłavoj mahistrali dyjamietram 259 mm adbyŭsia praryŭ ciepłatrasy z vykidam vady.
Avaryjnaja situacyja była apieratyŭna łakalizavana, pačalisia terminovyja ramontna-adnaŭlenčyja raboty. Ale ŭ vyniku avaryi časova byli adklučany ad aciapleńnia i haračaha vodazabieśpiačeńnia častka žyłych damoŭ pa vulicach Cimirazieva, Vieniśje, Navukovaj, a taksama dziciačy sadok № 8, raźmieščany pa adrasie vuł. Cimirazieva, 1, paviedamlaje BiełTA.
Spačatku byli praviedzienyja pracy raskryćcia ciepłavoj kamiery i adpampoŭvańnia vady. Praviadzieńnie ziemlanych rabot istotna ŭskładniałasia niespryjalnymi ŭmovami: hłybokaje pramiarzańnie hruntu stvaryła dadatkovyja techničnyja ciažkaści pry demantažy vierchniaha słoja hleby i dostupie da inžyniernych kamunikacyj.
«Užo a 00:30 byŭ vyjaŭleny paškodžany ŭčastak, paśla čaho ramontnyja bryhady nieadkładna prystupili da rabot. Znachodziačysia na zaviaršalnaj stadyi, a 5:25 było pačata zapaŭnieńnie sistemy ciepłazabieśpiačeńnia. Padčas puskavych naładžvalnych mierapryjemstvaŭ vyjaŭlena dadatkovaje paškodžańnie, jakoje patrabuje likvidacyi», — adznačyli ŭ «Minskenierha».
Ramontnyja pracy praciahvajucca.
Kamientary