U Polščy znajšli sabaku, jaki zhubiŭsia ŭ Biełarusi. Zdajecca, jon sam pierajšoŭ miažu pa zamierzłaj race
Sima zhubiłasia 11 lutaha ŭ rajonie vioski Voŭčyn — pamiž Brestam i Vysokim.
Miž tym, taki ž pa apisańni sabaka znajšoŭsia z polskaha boku miažy, u rajonie Tarespala. Zaraz žyvioła znachodzicca ŭ prytułku, aktyvisty vyrašajuć, jak viarnuć jaho na radzimu i ci varta heta rabić, piša Most.
Paviedamleńni pra źniknieńnie Simy stali źjaŭlacca niadaŭna. Vałanciory paviedamlali, što na joj byŭ našyjnik koleru chaki, i prasili tych, chto znojdzie, źviazacca ź imi.
Žyvioła žyła ŭ Breście, ale haspadara ŭ jaje nie było. Sabaka žyŭ na vulicy, ale pra jaho kłapacilisia i padkormlivali žychary rajona. 19 studzienia na Simu napali inšyja sabaki. Tady vałanciory advieźli jaje ŭ vieterynarnuju kliniku, nieabyjakavyja žychary sabrali hrošy — i žyviołu praapieravali.
Paśla hetaha, niezadoŭha da źniknieńnia, jaje advieźli ŭ viosku, dzie dla Simy papiarednie znajšłasia haspadynia. Ale sabaka pa niejkaj pryčynie źbieh i, vidać, zabłukaŭ.
Surazmoŭca Most vykazaŭ zdahadku, što jon moh pierajści pamiežnuju raku Buh, jakaja zaraz zamierzła. Vałanciory ŭ profilnych čatach abmiarkoŭvajuć, što sabaka pierajšoŭ miažu ŭ rajonie vioski Navasiołki, tam praciakaje raka.
Miž tym, 12 lutaha ŭ Facebook haradskoj achovy polskaha horada Biała-Padlaska źjaviłasia paviedamleńnie ab znojdzienym sabaku, jaki pa źniešnim vyhladzie akazaŭsia vielmi padobny na Simu. Sabaka lažaŭ na ziamli, «byŭ vidavočna pieraachałodžany i dryžaŭ ad choładu». Vidavočca paviedamiŭ ab znachodcy ŭ haradskuju achovu, dzie jość padraździaleńnie, jakoje adkazvaje za biazdomnych abo paranienych žyvioł.
Supracoŭniki municypalnaj achovy pieravieźli žyviołu ŭ Biała-Padlasku, u prytułak Azyl. «Zaraz sabaka znachodzicca pad apiekaj rabotnikaŭ i čakaje svajho ŭładalnika», — napisała słužba i prykłała fota.
Niekalki vałancioraŭ, jakija zajmajucca losam Simy, paznali jaje ŭ znojdzienym sabaku. Vałanciorki ŭžo pabyvali ŭ prytułku, i ciapier vyrašajuć, jak pieradać jaje ŭ Biełaruś i ci treba heta rabić, uličvajučy, što tam haspadara ŭ sabaki nie było.
Surazmoŭca Most kaža, što jurydyčna prosta pieradać Simu na biełaruski bok nielha — patrebny dakumienty. Na ich afarmleńnie pojdzie čas. Tamu, mahčyma, haspadara buduć šukać užo ŭ Polščy.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram8
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary