Saudaŭskaja Aravija, Katar i Aman akazali ŭpłyŭ na prezidenta ZŠA Donalda Trampa, pierakonvajučy jaho nie nanosić udary pa Iranie, paviedamiŭ ahienctvu AFP vysokapastaŭleny saudaŭski čynoŭnik. Taksama hetuju infarmacyju paćvierdziŭ jašče adzin čynoŭnik z krainy Piersidskaha zaliva.
Trojka krain praviała «doŭhuju i napružanuju dypłamatyčnuju kampaniju ŭ apošniuju chvilinu», kab dać Iranu šaniec pakazać dobryja namiery. U suviazi z napružanaściu častka piersanału była evakujavanaja z hałoŭnaj amierykanskaj bazy ŭ Katary, a supracoŭnikaŭ misij ZŠA ŭ Saudaŭskaj Aravii i Kuviejcie papiaredzili, kab jany byli aściarožnymi.
Raniej ZŠA pahražali ŭmiašańniem u situacyju z kryvavaj raspravaj nad pratestoŭcami ŭ Iranie, a Tehieran papiaredziŭ, što moža adkazać udarami pa amierykanskich vajskovych i marskich abjektach.
Dypłamaty taksama paviedamili, što pahroza na bazie Al-Udeid u Katary była źmienšanaja paśla taho, jak častku piersanału evakujavali, i ciapier samaloty pastupova viartajucca na papiarednija pazicyi.
Tramp źmianiŭ kurs paśla taho, jak atrymaŭ harantyi «važnych krynic z druhoha boku», što Iran nie budzie karać demanstrantaŭ śmierciu.
Saudaŭski aficyjny pradstaŭnik adznačyŭ, što hałoŭnaja meta dypłamatyčnych namahańniaŭ — «paźbiehnuć niekantralavanaj situacyi ŭ rehijonie» i praduchilić surjoznyja nastupstvy ŭ vyniku mahčymaj ataki.
Akramia taho, Iranu było pieradadziena, što ŭdary pa amierykanskich abjektach u rehijonie mohuć paŭpłyvać na jaho adnosiny z krainami Piersidskaha zaliva.
«Ja paŭtary hadziny nios cieła žonki». Što raskazvajuć svajaki pratestoŭcaŭ, zabitych u Iranie
Kronprync Irana paabiacaŭ pryznać Izrail i spynić jadziernuju prahramu
ZŠA mohuć prymianić siłu ŭ Iranie na praciahu 24 hadzin
Tramp abiacaje padtrymku pratestoŭcam u Iranie. Ale ci jość u jaho dastatkovyja siły?
Jak Iran adklučyŭ internet? I jak tady irancy zmahli pieradać infarmacyju?
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary
Nikohda ni na koho na śvietie nielzia rassčityvať i nikomu vieriť! Ot etoho zavisit naša žizń. Kto etich śmielčakov sčitał i vioł učiot? Skolko pohibło, a skolko jeŝio ich isčieźniet... Ślili vsio. Zria ludi hibli. Nastaniet li śledujuŝij raz? Odni i tie žie ošibki u vsiech.