Tramp pryznaŭsia, što raniej vajna va Ukrainie jamu zdavałasia samym prostym kanfliktam z usich. I ździŭleny, što heta nie tak
Prezident ZŠA Donald Tramp daŭ intervju amierykanskamu radyjo WABC, u jakim zajaviŭ, što vyrašeńnie kanfliktu va Ukrainie zdavałasia jamu «samym prostym» z usich, ale nasamreč situacyja tam składanaja.
Pavodle słoŭ prezidenta ZŠA, u situacyju z zamireńniem zaŭsiody ŭmiešvajucca niepradbačanyja abstaviny, i jaho ździŭlajuć pavodziny Pucina.
«U nas byli vydatnyja adnosiny, nijakich prablem. Ale, zdajecca, što kožny raz, kali ja dumaju, što my blizkija da rašeńnia, jon skidaje jašče adnu bombu na kahości. I heta prosta zusim niedapuščalna. Zusim. Ja vielmi ździŭleny. Sapraŭdy, ja vielmi ździŭleny.
Ja dumaŭ, što heta budzie lahčej za ŭsio, Rasija i Ukraina, ja skazaŭ, što ŭsio vyrašycca dosyć chutka. Ale heta składana. Pamiž im i Zialenskim šmat nianaviści, jak vy viedajecie, šmat nianaviści. Šmat varožaści. I pralita šmat kryvi», — zajaviŭ Tramp.
Pavodle jaho słoŭ, u hetaj vajnie štotydzień hinie ad 5 da 7 tysiač čałaviek.
Tym nie mienš, Tramp rašuča nastrojeny ŭsio ž damahčysia ŭrehulavańnia hetaha kanfliktu. «My jaho zavieršym», — vykazaŭ upeŭnienaść prezident ZŠA.
Pry hetaj nahodzie jon čarhovy raz pachvaliŭsia, što z pačatku svajho druhoha prezidenckaha terminu nibyta zaviaršyŭ siem vojnaŭ, amal usie ź jakich byli «nievyrašalnymi».
Kab ZŠA ŭviali sankcyi suprać Rasii, Jeŭropa pavinna pierastać kuplać rasijskija naftu i haz
Tramp raskazaŭ, što raźličvaje na chutkuju razmovu z Pucinym
Kiełah pra ataku na Kijeŭ: Heta nie sihnał, što Rasija choča dypłamatyčnym šlacham skončyć vajnu
U ZŠA zajavili, što mohuć abrynuć ekanomiku Rasii. Ale treba dapamoha Jeŭropy
Tramp dapuściŭ, što zaprosić Pucina na samit G20 u Majami
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy23
Kamientary