Kab ZŠA ŭviali sankcyi suprać Rasii, Jeŭropa pavinna pierastać kuplać rasijskija naftu i haz
U razmovie z vydańniem Financial Times ministr enierhietyki ZŠA Krys Rajt paviedamiŭ, što Jeŭropa pavinna pierastać kuplać naftu i haz u Rasii, kali choča, kab Vašynhton zrabiŭ bolš strohimi sankcyi suprać jaje.
«Kali jeŭrapiejcy praviaduć rysu i skažuć: «My nie źbirajemsia kuplać bolš rasijskaha hazu, my nie źbirajemsia kuplać rasijskuju naftu». Ci akaža heta stanoŭčy ŭpłyŭ na toje, što ZŠA buduć ahresiŭniej [uvodzić sankcyi]? Dakładna», — zajaviŭ Krys Rajt.
Na jaho dumku, krainy Jeŭropy pavinny zamiest rasijskaha kuplać amierykanski zvadkavany pryrodny haz, a taksama bienzin i inšyja vidy paliva.
«Rasija finansuje svaju vajskovuju mašynu za košt ekspartu nafty i pryrodnaha hazu, a kali nie budzie jeŭrapiejskich zakupak, to heta skarocić jaje [Rasii] dachody», — dadaŭ amierykanski ministr.
Niahledziačy na zachavańnie abmiežavańniaŭ na impart vuhalu i nafty, rasijski haz praciahvaje pastupać u krainy Jeŭrapiejskaha Sajuza. Pryčym, jak śviedčać śviežyja źviestki Jeŭrastata ŭ žniŭni, abjomy kuplanaha rasijskaha hazu napiaredadni ŭviadzieńnia poŭnaj zabarony na rasijskija enierharesursy tolki rastuć.
Tak, pavodle źviestak Jeŭrastata, u pieršaj pałovie 2025 hoda Jeŭrapiejski Sajuz impartavaŭ rasijskaha zvadkavanaha pryrodnaha hazu (ZPH) na sumu 4,48 miljarda jeŭra, heta značyć na 29% bolš, čym za anałahičny pieryjad minułaha hoda.
Dźvie krainy Jeŭrasajuza, Vienhryja i Słavakija, praciahvajuć spažyvać navat rasijskija enierharesursy, jakija pastaŭlajucca praz trubapravody, i vielmi niehatyŭna reahujuć na toje, što Ukraina imkniecca spynić ich tranzit praz svaju terytoryju, a taksama padarvać adpaviednuju infrastrukturu ŭnutry Rasii. Pry hetym, pa ironii losu, kiraŭniki hetych krain Viktar Orban i Robiert Fica imknucca pazicyjanavać siabie jak palityčnych sajuźnikaŭ prezidenta ZŠA Donalda Trampa.
Vienhryja zabaraniła ŭjezd kamandziru ŭkrainskaha padraździaleńnia, adkaznaha za ataki na «Družbu». Hety vajskoviec — etničny vienhr
«Ja vielmi zły z-za hetaha. Pieradaj Słavakii». Tramp adkazaŭ Orbanu na jahonuju skarhu na ŭkraincaŭ
Jeŭrasajuz zabaraniaje terminałam ZPH u Jeŭropie prymać haz z Rasii
Prezidentka Jeŭrakamisii abviaściła ab zaviaršeńni ery rasijskich nafty i hazu ŭ Jeŭropie
Što budzie ź Biełaruśsiu, kali ES uviadzie poŭnaje handlovaje embarha suprać Rasii
Jeŭrasajuz da kanca 2027 hoda źbirajecca całkam admovicca ad zakupak rasijskaha hazu
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?15
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2121
Kamientary