Zavočnuju «vytvorčaść pa kryminalnych spravach siłaviki prapanoŭvali ŭvieści jašče ŭ listapadzie. Siońnia na pasiadžeńni Rady biaśpieki hetuju prapanovu ahučyŭ i Łukašenka. Jon ličyć, što novaŭviadzieńnie nie zakranie vialikuju kolkaść biełarusaŭ.
«Tych, chto ździejśniŭ abo ździajśniaje asabliva niebiaśpiečnyja złačynstvy, praduhledžanyja nacyjanalnym zakanadaŭstvam», — skazaŭ jon.
Padobnyja padychody, pavodle jaho słoŭ, daŭno praktykujucca ŭ mnohich krainach, u tym liku jeŭrapiejskich.
«Nie dumaju, što novaŭviadzieńnie zakranie niejkuju značnuju kolkaść našych hramadzian. Mabyć, heta adzinki ź liku tak zvanych źbiehłych. Jany, na žal, jość. Budzie nad čym padumać tym, chto maje namier naškodzić krainie, ludziam, ekanomicy, a potym «schavacca» za miažoj», — padkreśliŭ Łukašenka.
«Kiraŭnikom dziaržavy padtrymana prapanova i ŭ bližejšy čas zakonaprajekt budzie nakiravany ŭ Saviet ministraŭ dla ŭniasieńnia ŭ Pałatu pradstaŭnikoŭ Nacyjanalnaha schodu», — skazaŭ staršynia Śledčaha kamiteta Dźmitryj Hara pa vynikach praviedzienaha pad staršynstvam kiraŭnika dziaržavy pasiadžeńnia Rady biaśpieki.
«Źbiehłymi» Alaksandr Łukašenka nazyvaje svaich palityčnych praciŭnikaŭ, jakija vyjechali za miažu, ratujučysia ad aryštu, abo jakich prymusova vyvieźli, jak Śviatłanu Cichanoŭskuju, u žniŭni 2020 hoda.
Čytajcie taksama:
Siłaviki prapanujuć zavočnyja kryminalnyja sudy. Pačać mohuć z apazicyjanieraŭ, a paśla pierajści da biznesoŭcaŭ i zamiežnikaŭ
Kanfiskacyja majomaści ŭ tych, chto źjechaŭ, — śpiekulacyja ci realnaja pahroza? Kamientaryj jurysta
Ciapier čytajuć
Pamior były palitviazień Valeryj Cimašenka. Jamu było 42 hady1
Kamientary