Nacyjanalny bank Biełarusi abviaściŭ konkurs na stvareńnie novaha hrafičnaha znaka dla biełaruskaha rubla. Šukajuć aryhinalny i lohka paznavalny simvał, anałahičny tym, što majuć dołar ($), jeŭra (€), funt (£) ci rasijski rubiel (₽).
U Biełarusi ŭžo kala 20 hadoŭ vykarystoŭvajuć abaznačeńnie Br, ale, jak havoryć namieśnik staršyni praŭleńnia Nacbanka Andrej Kartun, hety znak pa sutnaści tak i nie pryžyŭsia. Pryčynaj hetaha moža być składanaść jaho vykarystańnia abo adsutnaść ustojlivaj asacyjacyi mienavita z nacyjanalnaj valutaj.
Tamu Nacbank vyrašyŭ abviaścić konkurs na stvareńnie novaha znaka. Pavodle ŭmoŭ, treba prapanavać adzinkavy simvał — prosty, zrazumieły dla mižnarodnaj supolnaści i źviazany mienavita ź biełaruskim rublom.
Udzielničać u konkursie mohuć usie žychary Biełarusi, jak indyvidualna, tak i kalektyŭna. Padać svaje prapanovy (z apisańniem i malunkam) treba da 7 listapada 2025 hoda na adras [email protected] z paznakaj «Hrafičny znak». Pieramožca atrymaje pryz u pamiery 3000 rubloŭ.
Najlepšyja raboty adbiare kamisija, paśla čaho ź piaci finalistaŭ biełarusy zmohuć vybrać pieramožcu praz adkrytaje hałasavańnie na sajcie Nacbanka. Hołasavańnie adbudziecca z 17 pa 28 listapada, a vyniki padviaduć da 31 śniežnia 2025 hoda.
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary
Čat usio za vas užo prydumaŭ:
Varyjant 1: Ꞧ
Zasnavany na litary "R" (rubiel), ale pierakreśleny adnoj haryzantalnaj ryskaj źvierchu.
Anałahična € (jevra) i ₽ (rasijski rubiel).
Prosty i adrazu asacyjujecca z “rublom”.
Varyjant 2: ᗺ
Stylizacyja litary "B" (ad Belarus i Br), ale ŭ lusterkavym vyhladzie.
Vyhladaje sučasna, admietna i lohka piscca.
Moža stać "biełaruskaj admietnaściu".
Varyjant 3: Ҕ̶
Biarecca biełaruskaja litara “Ҕ” (jakaja redka vykarystoŭvajecca i vyhladaje ekzatyčna), praź jakuju pravodzicca haryzantalnaja linija.
Padaje adrazu nacyjanalny kałaryt (źviazana z kirylicaj).
Varyjant 4: ℬ̆
Litara "B" ź nievialikim dužačkom abo značkom uviersie (nahadvaje biełaruski akcent).
Stylova, ale nie ciažka čytać.
Zachoŭvajecca pierajemnaść z Br, ale robicca bolš simvalična.
Stoadsotkava niejki z hetych i pieramoža :)