Paviedamleńnie pra śmierć Valeryja Cimašenki zaŭvažyła ŭ sacsietkach vydańnie «Lusterka». Jon vyzvaliŭsia pa pamiłavańni 3 lipienia 2024 hoda. Pryčyna śmierci nieviadomaja.
Pravaabaroncy «Viasny» paviedamlali, što Valeryja Cimašenku zatrymali ŭ studzieni 2023 hoda. Jaho abvinavačvali pa artykułach 342 KK (Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich) i 361‑4 KK (sadziejničańnie ekstremisckaj dziejnaści). Pryčynaj staŭ udzieł u pratestnych maršach i infarmacyja, adpraŭlenaja ŭ čat-bot adnaho z «ekstremisckich farmavańniaŭ».
U sakaviku taho ž hoda Minski haradski sud prysudziŭ Cimašenku da troch hadoŭ pazbaŭleńnia voli ŭ papraŭčaj kałonii va ŭmovach ahulnaha režymu.
Pavodle źviestak pravaabaroncaŭ, Valeryj adbyvaŭ pakarańnie ŭ PK № 15 u Mahilovie. Mužčyna vyjšaŭ na volu 3 lipienia 2024 hoda. Na sajcie «Viasny» na jaho staroncy staić adznaka «Pamiłavańnie / Amnistyja».
Valeryju było 42 hady. Pra jaho intaresy viadoma niašmat, mužčyna nie vioŭ publičnych profilaŭ u sacsietkach. Miarkujučy pa jaho vajbier-akaŭncie, u apošni raz jon byŭ anłajn 18 vieraśnia 2025 hoda.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie8
Kamientary
Viečnaja pamiać.
Užo šmat vypadkaŭ, jak ludzi vychodziać i pamirajuć ciaham hoda paśla vyzvaleńnia.
.
.
..
i jašče adna drennaja navina (ci "staryna"( ) - biełaruskaja viersija NN užo jak anons,
a na "normalnom, čiełoviečieskom" - poŭny artykuł.
AHUŁAM i nie ździŭleny (