Znojdzieny hien, jaki ŭ dva razy pavialičvaje ryzyku ciažkaha praciakańnia COVID-19
Hety hien prysutničaje ŭ 60% ludziej paŭdniova-azijackaha pachodžańnia i tolki ŭ 15% jeŭrapiejcaŭ, paviedamlaje Reuters.
Na minułym tydni navukoŭcy z Oksfarda vyjavili toj hien, jaki pavyšaje ryzyku ciažkaha paražeńnia lohkich i ŭ dva razy pavialičvaje vierahodnaść śmierci ad karanavirusa.
Hetaje adkryćcio narešcie tłumačyć hieahrafiju kavidnych trahiedyj, a mienavita, čamu ŭ Indyi takaja strašna vysokaja śmiarotnaść.
Daśledavańnie pad kiraŭnictvam prafiesara Džejmsa Dejvisa i Džyma Chjuza, apublikavanaje ŭ Nature Genetics, vyjaviła, što pavyšanaja ryzyka pamierci ad karanavirusa źviazanaja z tym, jak DNK «uklučaje» hien.
Kamanda raspracavała admysłovy ałharytm štučnaha intelektu, kab praanalizavać vialikuju kolkaść hienietyčnaj infarmacyi sotniaŭ typaŭ kletak usich orhanaŭ, i heta dazvoliła im pakazać, što hienietyčny sihnał ź vialikaj vierahodnaściu ŭpłyvaje na kletki lohkich.
Chacia kamanda padazravała niekalki inšych hienaŭ, danyja pakazali, što prablemnym byŭ adnosna niavyvučany hien LZTFL1. Navukoŭcy zrazumieli, što hety hien nie daje epitelijalnym kletkam dychalnych šlachoŭ i lohkich adekvatna reahavać na virus. Ale, na ščaście, jon nie ŭpłyvaje na imunnuju sistemu, tamu daśledčyki miarkujuć, što ludzi z takim hienam buduć narmalna reahavać na vakcynu. Navukoŭcy taksama raspracoŭvajuć novyja leki, jakija nie dazvolać kletkam dychalnych šlachoŭ transfarmavacca pry karanavirusie.
Džejms Dejvis udakładniŭ: ciapier my razumiejem, čamu ludzi tak pa-roznamu pieražyvajuć karanavirus. Daśledavańnie pakazała, što klučavy momant — heta reakcyja lohkich. Heta važna, tamu što da hetaha času pry lačeńni my fakusiravalisia na tym, kab źmianić reakcyju imunitetu na virus.
Dziŭnym padajecca toje, što chacia tolki 2% ludziej afra-karybskaha pachodžańnia majuć hety ryzykoŭny hien, śmiarotnaść siarod ich taksama vysokaja. Ale, padkreślivajuć navukoŭcy, sacyjalna-ekanamičnyja faktary taksama adyhryvajuć važnuju rolu ŭ tym, jak ludzi spraŭlajucca z epidemijaj.
Chacia my nie možam pamianiać našu hienietyku, daśledavańnie pakazvaje, što ludziam z hienam LZTFL1 možna značna dapamahčy vakcynacyja. Pakolki hienietyčny sihnał upłyvaje na lohkija, a nie na imunnuju sistemu, heta značyć, što samu ryzyku jość sens papiaredzić pryščepkaj.
U Jeŭropie zarehistravali dva leki dla lačeńnia karony
Ci varta vakcynavać svaich 5-hadovych dziaciej?
-
Viartańnie dadomu moža stać samaj niebiaśpiečnaj častkaj misii dla kasmanaŭtaŭ «Artemidy-2»
-
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?
-
U siecivie virusiacca foty roznakalarovaha Miesiaca. Jon sapraŭdy taki?
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary