Vysnova, da jakoj pryjšli amierykanskija navukoŭcy, suciašalnaja dla ŭsich baćkoŭ: vakcynavanaje dzicia ci nie, ryzyka dla jaho ad karanavirusa nievialikaja.
Na červień 2021 hoda ŭ ZŠA 42% dziaciej pieranieśli COVID-19, a paśla raspaŭsiudu novaha štama Delta, miarkujuć navukoŭcy, užo i bolš pałovy ŭsich dziaciej krainy pierachvareli na novy virus. Pry hetym surjoznyja ŭskładnieńni nastolki redkija siarod dziaciej ad 5 da 11 hod, što padčas testavańnia vakcyny Pfizer ni ŭ adnaho dziciaci z 2186 udzielnikaŭ ekśpierymientu nie vyjavili surjoznych zachvorvańniaŭ ad karanavirusa — ni ŭ toj hrupie, što atrymlivała vakcynu, ni ŭ toj hrupie, što atrymlivała płaceba.
Vakcynacyja zdarovaha dziciaci robić nizkuju ryzyku surjoznych uskładnieńniaŭ ad kavidu jašče nižejšaj.
Daśledčyki źviartajuć uvahu: kali dzicia ŭžo pieraniesła karanavirus, niama abhruntavanych pryčyn jaho vakcynavać.
Sprava ŭ tym, što dla takoha ŭzrostu naturalny imunitet (ad pieraniesienaj chvaroby) u 27 razoŭ bolš nadziejna abaraniaje ad budučaha zaražeńnia, čym imunitet ad pryščepki.
Vyklučeńnie składajuć tolki dzieci z surjoznymi zachvorvańniami (naprykład, tyja, chto pakutuje na atłuścieńnie).
Vakcynavańnie biez razboru moža pryvieści da nienaŭmysnaj škody dziaciej z naturalnym imunitetam.
Pabočnych efiektaŭ ad pryščepki siarod dziaciej 5-11 hadoŭ było nadzvyčaj mała.
Na žal, Pfizer nie pradastaviŭ infarmacyju, ci nie nazirałasia bolš pabočki ŭ dziaciej, jakim zrabili vakcynu paśla pieraniesienaha karanavirusa pry vialikaj kolkaści antycieł. Źmienšyć pabočny efiekt ad vakcyny siarod małych dziaciej možna, raściahnuŭšy pierapynak miž dozami, ličać navukoŭcy.
Miljonam amierykancaŭ dazvolili cuda-terapiju ad kavidu. Što pra jaje viadoma?
Chočacie Pfizer ci Johnson & Johnson? Jość «vakcynnyja tury»: Polšča, Ukraina, Turcyja. Raskazvajem, kolki jany kaštujuć
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca11
Kamientary