Čamu «Naša Niva» tak časta piša pra Pratasieviča? Patłumačyła Roŭda
U novym analityčnym vypusku TOKu dyrektarka «Našaj Nivy» Nasta Roŭda adkazała na pytańnie da ŚMI, jakoje publikavaŭ Mikoła Statkievič.
Niekalki dzion tamu Mikoła Statkievič u svaim telehram-kanale apublikavaŭ pytańnie ad byłoha siabra partyi. Častka pytańnia tyčyłasia «peŭnaha demakratyčnaha resursu», «aryjentavanaha na nacyjanalnuju kulturu». U pryvatnaści, pra toje, što jon «rehularna źviartajecca da aśviatleńnia pryvatnaha žyćcia miarzotnika, jaki kupiŭ sabie svabodu za košt svabody svaich kaleh, abmiarkoŭvaje navat koler trusoŭ jahonaj sužycielki».
Vidavočna, što heta zaŭvaha tyčycca «Našaj Nivy», jakaja piša pra Ramana Pratasieviča.
Nasta Roŭda zaŭvažyła, što asabista dla jaje Mikoła Statkievič — hłybokapavažany čałaviek, tamu varta da jaho słoŭ prysłuchacca i patłumačyć pazicyju.
Jana prakamientavała, čamu «Naša Niva» piša pra Pratasieviča:
«Tamu što ludziam vielmi cikava sačyć za losam zdradnika. Za pakutnym, niaprostym losam zdradnika, jaki akazaŭsia nie patrebny ni tut, ni tam. I ŭ hetym sensie heta, napeŭna, guilty pleasure.
Heta vielmi pavučalnaja historyja, prykład, jaki nichto nie choča paŭtarać. Nichto nie choča prajści tym šlacham, jakim prajšoŭ Raman Pratasievič. (…) My heta robim dziela taho, kab pakazać ludziam historyju voś takich zdradnikaŭ. Da čaho jana pryvodzić i nakolki jana moža być balučaj u pierśpiektyvie».
Statkievič asudziŭ pavodziny troch byłych palitviaźniaŭ. Zdajecca, heta Pratasievič, Volha Łojka i Nasta Łojka
«Vieru, što siłaviki mohuć inakš». Nasta Łojka raskazała pra źniavoleńnie, HUBAZiK i stakholmski sindrom
«Dziaŭčaty, heta realna pracuje!» Niaviesta Pratasieviča raskazała, jak pryvaražyła budučaha muža čyrvonymi trusami
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie36
Kamientary