Raniejšy sajt nie abnaŭlaŭsia z vosieni 2024 hoda.
Adnaviŭ pracu sajt hazieta biełaruskaj dyjaspary ŭ Amierycy «Biełarus». Jon dastupny pa adrasie belarus-news.us.
Adkazny redaktar sajta — dziajačka biełaruskaj emihracyi ŭ ZŠA, dyrektarka Biełaruskaha dziaržaŭnaha archiva-muzieja litaratury i mastactva ŭ Minsku (1983—1992), eks-staršynia Rady Zhurtavańnia biełarusaŭ śvietu «Baćkaŭščyna» Hanna Surmač.
«Infarmacyja, jakaja zachoŭvałasia ŭ redakcyjnym partfieli za toj čas, kali nie pracavaŭ sajt, nie budzie stračanaju, usio budzie ŭklučana ŭ nastupny druhi numar «Hadavika» haziety, jaki budzie achoplivać padziei ad žniŭnia 2023 hoda da pačatku kastryčnika 2025 hoda. Na hetym novym sajcie haziety vy možacie znajści infarmacyi pra biełaruskaje žyćcio ŭ ZŠA i Kanadzie ad kastryčnika 2025 hoda», — abiacajuć aŭtary.
Hazieta «Biełarus» była zasnavanaja ŭ 1950 hodzie ŭ Ńju-Jorku pavajennaj dyjasparaj, pradstaŭnikami Biełaruska-amierykanskaha zadzinočańnia. Pieršy numar vyjšaŭ 20 vieraśnia 1950 hoda i byŭ ahulnym nie tolki dla biełarusaŭ ZŠA, ale i Kanady, a paśla spynieńnia vychadu ŭ Miunchienie ŭ 1968 hodzie haziety «Baćkaŭščyna», ahulnym dla biełarusaŭ u Jeŭropie i Aŭstralii.
Jaje redaktarami byli Leanid Halak, Lavon Savionak, Michaś Mickievič, Natalla Arsieńnieva, Vitaŭt Tumaš, Stanisłaŭ Stankievič, Vitaŭt Kipiel, Janka Zaprudnik, Marat Kłakocki. Hanna Surmač była redaktarkaj papiarovaha vydańnia z 2010 hoda.
Z pačatku 2000‑ch byŭ sajt «Biełarusa», a z 2002 hoda starańniami Marata Kłakockaha vydajecca litaraturny almanach «Biełarus».
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary