U finał adnaho ź jeŭrakubkaŭ vyjšaŭ kryŭdziciel hrodzienskaha «Niomana».
Učora vyznačylisia finalisty futbolnaj Lihi Jeŭropy i Lihi kanfierencyj.
U finale Lihi Jeŭropy zhulajuć anhlijskaja «Astan Viła» i niamiecki «Frajburh».
«Astan Viła» pieramahła ŭ paŭfinale inšy anhlijski kłub — «Notynhiem Forest» (pieršy matč 0:1, druhi 4:0).
A «Frajburh» vyjhraŭ u partuhalskaj «Brahi» (pieršy matč 1:2, druhi 3:1).
Finał projdzie 20 maja ŭ Stambule na stadyjonie «Biešyktaš».
U finale Lihi kanfierencyj zhulajuć anhlijski «Krystał Pełas» i ispanski «Rajo Valjekana».
«Krystał Pełas» dvojčy vyjhraŭ u danieckaha «Šachciora»: 3:1 i 2:1, a «Rajo Valjekana» dvojčy ź likam 1:0 pieramoh francuzski «Strasbur».
Nahadajem, što ispanski kłub vybiŭ z turniru hrodzienski «Nioman». Madrydski kłub dvojčy ŭ finale płej-of kvalifikacyi ŭ žniŭni pieramoh biełarusaŭ: 1:0 i 4:0.
Finał projdzie 27 maja ŭ Lajpcyhu.
U finale futbolnaj Lihi čempijonaŭ 30 maja ŭ Budapiešcie zhulajuć francuzski «PSŽ» i anhlijski «Arsienał».
Takim čynam, u troch finałach jeŭrakubkaŭ zhulajuć try anhlijskija kłuby.
Kamientary