Stała viadoma, što ŭ finalnym matčy Lihi čempijonaŭ UEFA z łondanskim «Arsienałam» zhulaje paryžski «Pary-Sen-Žermen».
U matčy ŭ adkaz 1/2 finału PSŽ zhulaŭ ź miunchienskaj «Bavaryjaj» u haściach uničyju 1:1. U pieršym matčy paryžanie śviatkavali pieramohu z redkim u futbole likam 5:4, tamu pa sumie dźviuch matčaŭ u finał prachodziać jany.
U hetym matčy hości adkryli lik užo na 3‑j chvilinie. Paryžanie pajšli ŭ kontrataku: hruzinski lehijanier Chviča Kvaracchielija prastreliŭ na dalokuju štanhu, i Usman Dembiele bieśpieraškodna zabiŭ.
Hoł hulca «Bavaryi» Hary Kiejna, zabity ažno na 94‑j chvilinie, u dadadzieny arbitram čas, źvioŭ vynik matča da ničyjnaha, ale ahulnuju situacyju dla jaho kamandy vypravić nie zmoh.
U inšym paŭfinalnym matčy ŭ adkaz łondanski «Arsienał» 5 maja minimalna pieramoh madrydski «Atletyka» ź likam 1:0 i pa sumie dvuch matčaŭ (2:1) prajšoŭ u finał.
Finał adbudziecca 30 maja 2026 hoda ŭ Budapiešcie na stadyjonie «Puškaš Arena».
Dla PSŽ jon stanie ŭžo druhim zapar. U minułym hodzie ŭ Miunchienie francuzski kłub vyjhraŭ u miłanskaha «Intera» ź pierakanaŭčym likam 5:0 i staŭ uładalnikam kubka.
Pieršym finalistam Lihi čempijonaŭ staŭ łondanski «Arsienał»
Pietycyja, jakaja zaklikaje «Reał» razarvać kantrakt z Mbape, nabrała bolš za 12 młn podpisaŭ
Amierykanski telekanał prapanuje 50 tysiač dalaraŭ za prahlad usich matčaŭ čempijanatu śvietu pa futbole
Zbornaja Biełarusi pa futbole zhulaje tavaryski matč z Burkina-Faso
Ciapier čytajuć
Pačobut parazvažaŭ, ad čaho zaležyć budučynia Biełarusi1
Kamientary