Minčanka pryjechała ŭ Homiel, zasialiłasia ŭ haścinicu i stała čakać viartańnia 200 tysiač rubloŭ
Historyja z razvodam na hrošy pačałasia zvykła. 59‑hadovaj žančynie patelefanavali z prapanovaj zamianić čyp dla damafona.
Nie źviarnuŭšy ŭvahi na zamiežny numar, jana paviedamiła surazmoŭcu kod z SMS, paśla čaho razmova pierarvałasia, paviedamlaje SK.
Zatym patelefanavała nieviadomaja, jakaja pradstaviłasia supracoŭnicaj Mižbankaŭskaj sistemy identyfikacyi. Jana skazała, što ašukancy mohuć skarystacca jaje piersanalnymi źviestkami, i zapatrabavała napisać zajavu pavodle ŭzoru, a paśla adpravić jaje fota «pravaachoŭniku».
U vypadku niepadparadkavańnia minčancy pryhrazili vobšukam. Spałochaŭšysia takoj pierśpiektyvy, žančyna vykanała ŭsio, što ad jaje patrabavali.
Na nastupny dzień žančynie patelefanavaŭ iłžesupracoŭnik Śledčaha kamiteta. Ašukaniec paviedamiŭ, što nočču z bankaŭskaj karty minčanki ździajśnialisia sproby pieravodu hrašovych srodkaŭ na zamiežnyja rachunki, i zapatrabavaŭ zadekłaravać usie hrošy. Paciarpiełaja skłała svaje źbieražeńni ŭ kanviert i pieradała jaho kurjeru.
Žančyna taksama pa patrabavańni machlaroŭ pradała svoj aŭtamabil i addała pasylnamu złamyśnikaŭ hrošy. Jana ž aformiła pazyki ŭ bankach i nakiravała ŭsie srodki ašukancam «dla dekłaravańnia».
U vyniku žančyna vykanała ŭsie ŭkazańni, a paśla na taksi adpraviłasia ŭ Homiel, dzie źniała numar u haścinicy i čakała viartańnia srodkaŭ. Kali ź joj nichto nie vyjšaŭ na suviaź, jana ŭśviadomiła, što stała achviaraj padmanu, i źviarnułasia ŭ milicyju.
Ahułam žančyna straciła bolš za 200 tysiač rubloŭ.
Ciapier čytajuć
Vaziŭ nataŭcaŭ u Afhanistan i skidvaŭ humanitarku ŭ Sudanie, a potym trapiŭ u turmu pa danosie siabra z Ukrainy4
Kamientary