Dla ŭdziełu delehacyi Biełarusi ŭ pracy letniaj siesii PA ABSIE ŭ Vienie nie stvoranyja patrebnyja ŭmovy. Pra heta siońnia zajaviŭ žurnalistam deputat Pałaty pradstaŭnikoŭ Andrej Savinych, paviedamlaje BiełTA.
«U jakaści staršyni biełaruskaj delehacyi na Parłamienckaj asamblei ABSIE płanavaŭsia moj vyjezd u Vienu, dzie ja pavinien byŭ by pradstavić pazicyju Biełarusi pa aktualnych pytańniach paradku dnia na siesii hetaj arhanizacyi. Naturalna, płanavałasia abmierkavańnie šyrokaha koła pytańniaŭ, u tym liku i situacyi ŭ Biełarusi. Ale ŭčora my atrymali infarmacyju ab tym, što nam admoŭlena ŭ vizie», — skazaŭ Andrej Savinych.
Pavodle jaho słoŭ, pasolstva Aŭstryi ŭ Biełarusi nie vydaje vizy. «I ŭ hetaj suviazi my źviarnulisia pa ich prapanovie ŭ konsulstva Łatvii ŭ Viciebsku dla atrymańnia hetaha dazvołu. Pryjšła admova ŭ atrymańni vizy. Pryčym u samim dakumiencie było paviedamlena, što ŭ Šenhienskuju infarmacyjnuju sistemu ŭniesieny zapis Respubliki Polšča z metaj admovy na ŭjezd», — adznačyŭ parłamientaryj.
Andrej Savinych patłumačyŭ, čamu Polšča tak zrabiła.
«My płanavali pry abmierkavańni situacyi ŭ Biełarusi padymać pytańni ab uciahnutaści śpiecsłužbaŭ šerahu dziaržaŭ, u tym liku Polščy, u apieracyju pa zachopie ŭłady ŭ Respublicy Biełaruś praz scenar kalarovaj revalucyi».
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»24
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary