Для ўдзелу дэлегацыі Беларусі ў працы летняй сесіі ПА АБСЕ ў Вене не створаныя патрэбныя ўмовы. Пра гэта сёння заявіў журналістам дэпутат Палаты прадстаўнікоў Андрэй Савіных, паведамляе БелТА.
«У якасці старшыні беларускай дэлегацыі на Парламенцкай асамблеі АБСЕ планаваўся мой выезд у Вену, дзе я павінен быў бы прадставіць пазіцыю Беларусі па актуальных пытаннях парадку дня на сесіі гэтай арганізацыі. Натуральна, планавалася абмеркаванне шырокага кола пытанняў, у тым ліку і сітуацыі ў Беларусі. Але ўчора мы атрымалі інфармацыю аб тым, што нам адмоўлена ў візе», — сказаў Андрэй Савіных.
Паводле яго слоў, пасольства Аўстрыі ў Беларусі не выдае візы. «І ў гэтай сувязі мы звярнуліся па іх прапанове ў консульства Латвіі ў Віцебску для атрымання гэтага дазволу. Прыйшла адмова ў атрыманні візы. Прычым у самім дакуменце было паведамлена, што ў Шэнгенскую інфармацыйную сістэму ўнесены запіс Рэспублікі Польшча з мэтай адмовы на ўезд», — адзначыў парламентарый.
Андрэй Савіных патлумачыў, чаму Польшча так зрабіла.
«Мы планавалі пры абмеркаванні сітуацыі ў Беларусі падымаць пытанні аб уцягнутасці спецслужбаў шэрагу дзяржаў, у тым ліку Польшчы, у аперацыю па захопе ўлады ў Рэспубліцы Беларусь праз сцэнар каляровай рэвалюцыі».
Затрыманы ў Польшчы беларускі таксіст-шпіён быў сябрам «Паспалітага рушэння»14
Затрыманы ў Польшчы беларускі таксіст-шпіён быў сябрам «Паспалітага рушэння»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары