«Niama patreby»: Litva nie budzie vykarystoŭvać rasijskuju vakcynu «Spadarožnik V»
Premjer-ministr Inhryda Šymanicie zajaviła, što Litva nie budzie kuplać rasijskuju vakcynu «Spadarožnik V», navat kali jaje zaćvierdzić Jeŭrapiejskaje farmaceŭtyčnaje ahienctva.
U aŭtorak u adkaz na pytańnie ab takoj mahčymaści premjer skazała, što sumiesnyja zakupki Jeŭrasajuza zabiaśpiečać dastatkovyja pastaŭki ŭ Litvu vakcyn, jakija vyrablajucca na Zachadzie, tamu «niama nijakaj patreby» ŭ razhladzie zakupki rasijskaj vakcyny, piša Delfi.
«Naš partfiel vakcyny składajecca nie z adnoj vakcyny, jakija albo ŭžo zarehistravanyja, albo rehistrujucca, albo na šlachu da rehistracyi, a niekatoryja, vierahodna, nie buduć zarehistravanyja ŭ najbližejšy čas, ale źjaviacca i inšyja, tamu ja sapraŭdy ŭpeŭnienaja, što hetaje pytańnie nam razhladać biessensoŭna», — skazała Šymanicie.
Kiraŭnik urada skazała, što hramadstva budzie pryščeplena vakcynami, jakija vyrablajucca «ŭ krainach transatłantyčnaha partniorstva».
Kamientary