«Няма патрэбы»: Літва не будзе выкарыстоўваць расійскую вакцыну «Спадарожнік V»
Прэм'ер-міністр Інгрыда Шыманіце заявіла, што Літва не будзе купляць расійскую вакцыну «Спадарожнік V», нават калі яе зацвердзіць Еўрапейскае фармацэўтычнае агенцтва.
У аўторак у адказ на пытанне аб такой магчымасці прэм'ер сказала, што сумесныя закупкі Еўрасаюза забяспечаць дастатковыя пастаўкі ў Літву вакцын, якія вырабляюцца на Захадзе, таму «няма ніякай патрэбы» ў разглядзе закупкі расійскай вакцыны, піша Delfi.
«Наш партфель вакцыны складаецца не з адной вакцыны, якія альбо ўжо зарэгістраваныя, альбо рэгіструюцца, альбо на шляху да рэгістрацыі, а некаторыя, верагодна, не будуць зарэгістраваныя ў найбліжэйшы час, але з'явяцца і іншыя, таму я сапраўды ўпэўненая, што гэтае пытанне нам разглядаць бессэнсоўна», — сказала Шыманіце.
Кіраўнік урада сказала, што грамадства будзе прышчэплена вакцынамі, якія вырабляюцца «ў краінах трансатлантычнага партнёрства».
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары