Прэзідэнты Украіны і ЗША Уладзімір Зяленскі і Дональд Трамп правялі сумесную прэс-канферэнцыю на палях саміту НАТА ў Анкары. Падчас яе з вуснаў амерыканскага лідара прагучала некалькі важных заяў.
Дональд Трамп заявіў, што ЗША могуць выдаць Украіне ліцэнзію на вытворчасць ракет Patriot. Паводле яго слоў, пра такую магчымасць яму паведаміла «маленькая птушка», але іншых падрабязнасцяў ён не раскрыў.
Амерыканскі прэзідэнт таксама адзначыў, што падтрымлівае добрыя адносіны з Уладзімірам Зяленскім і лічыць іх супрацоўніцтва толькі пачаткам. Пры гэтым ён сказаў, што раней чакаў хутчэйшага завяршэння вайны, аднак назваў Уладзіміра Пуціна «складаным чалавекам».
Трамп дадаў, што і Зяленскі таксама «няпросты», але, паводле яго ацэнкі, за апошнія тыдні ў перамовах аб заканчэнні вайны быў дасягнуты значны прагрэс. Разам з тым ён адзначыў, што далейшае развіццё падзей пакажа, ці ўдасца прыйсці да канчатковага выніку.
Адказваючы на пытанне пра магчымую эскалацыю канфлікту, Трамп выказаў меркаванне, што яна можа паспрыяць яго спыненню. Ён таксама заявіў, што лічыць Пуціна гатовым да ўрэгулявання, бо некалькі разоў размаўляў з ім асабіста.
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары