Ахвярай буйнога махлярства стаў грамадзянін адной з краін Усходняй Азіі.
Як паведамляе міліцыя, двое мінчукоў ва ўзросце 31 і 36 гадоў прапанавалі іншаземцу паслугу — абмяняць наяўныя даляры на крыптавалюту.
Мужчына перадаў ім пакет з грашыма. Аднак саўдзельнікі непрыкметна падмянілі яго на такі ж пакет, але з фальшывымі купюрамі. Зрабіўшы выгляд, што пералічваюць грошы, махляры абурыліся, нібыта іншаземец спрабуе разлічыцца з імі падробкамі.
Пасля гэтага яны адмовіліся ад здзелкі і хутка зніклі разам з сапраўднымі грашыма замежніка.
Сума стратаў склала 130 тысяч даляраў. Супрацоўнікі міліцыі затрымалі падазраваных. Частку выкрадзеных грошай у іх забралі і вярнулі ўладальніку.
Супраць мужчын завялі крымінальную справу за махлярства ў асабліва буйным памеры. Мінчукам пагражае да 12 гадоў зняволення.
Цяпер чытаюць
Мужчына ў мінскім метро лапаў дзяўчат, з выгляду падлеткаў, і паказваў ім пахабныя жэсты. Яго затрымалі14
Каментары
Они,видимо, из тех, кто считают, что раз иностранец, то лох и ку-ку)