Наўседа: Расія можа рыхтаваць правакацыі супраць суседніх краін
Прэзідэнт Літвы заявіў, што ў спецслужбаў ёсць звесткі аб магчымых адзінкавых правакацыях з боку Расіі супраць суседніх дзяржаў, піша Delfi.lt.
Паводле яго слоў, Масква цяпер не здольная весці поўнамаштабную вайну на два франты, аднак рызыка асобных правакацый захоўваецца.
У сувязі з гэтым Літва ўжо ўзмацніла ахову аб'ектаў крытычнай інфраструктуры — энергетыкі, транспарту і сувязі. Да гарантавання бяспекі прыцягнуты як праваахоўныя органы, так і Узброеныя сілы.
Паводле слоў Г. Наўседы, калі Расія нападзе на любую дзяржаву НАТА, яна сутыкнецца з жорсткім адказам Альянсу.
«Перш за ўсё давайце перастанем казаць пра тое, што пагроза існуе толькі для асобных суседніх з намі краін. Такія заявы неканструктыўныя. Што азначала б інтэрвенцыя Расіі супраць той ці іншай краіны НАТА? Гэта азначае, што Расія нападае на ўсё НАТА», — заявіў прэзідэнт Літвы.
Цяпер чытаюць
У Беларусі знайшлі копію швейцарскіх Альпаў — але турыстаў там не чакаюць2
Каментары
РОссии вообще не до провокаций, чтобы дать повод Европе и НАТО вмешаться, она и так еле вытягивает конфликт с Украиной, и обстановка все хуже: война реально затронула тылы и каждого россиянина, имеющего автомобиль