Фядута назваў пяць беларускіх кніг, якія трэба абавязкова прачытаць беларусам і замежнікам
Сярод іх творы Быкава і Караткевіча. Што яшчэ?
Літаратуразнаўца і паліттэхнолаг Аляксандр Фядута ў інтэрв'ю Мікалаю Халезіну назваў беларускія кнігі, якія абавязкова трэба прачытаць беларусам, каб зразумець, хто яны такія.
Першая кніга — «Каласы пад сярпом тваім» Уладзіміра Караткевіча.
«Гэта не найлепшы твор Караткевіча, але гэта самая важная кніга беларусаў, напісаная ў ХХ стагоддзі. Таму што гэта кніга аб тым, як становяцца беларусамі», — тлумачыць Фядута.
Другая кніга — «Людзі на балоце» Івана Мележа.
«Там расказана пра трагедыю калектывізацыі. Аб тым, як, прыйшоўшы з ніадкуль, бальшавік раптам пачынае камандаваць гаспадарамі сваёй зямлі. Гэта тэкст страшнай сілы».
Трэці твор — «У тумане» Васіля Быкава. «Адна з самых моцных рэчаў, можа быць, наогул ва ўсёй беларускай літаратуры», — каментуе літаратуразнаўца.
Чацвёртая кніга — «Дзве душы» Максіма Гарэцкага. А пятая — «Час сэканд-хэнд» Святланы Алексіевіч.
Фядута склаў таксама пяцёрку беларускіх кніг для замежнікаў, якія тлумачаць сутнасць беларусаў.
Гэта «Людзі на балоце» Івана Мележа, «Чужая бацькаўшчына» Вячаслава Адамчыка, «Вершалінскі рай» Аляксея Карпюка, «У тумане» Васіля Быкава і «Ладдзя роспачы» Уладзіміра Караткевіча.
«Беларусы павінны зрабіць усё магчымае для таго, каб гэтыя кнігі былі перакладзены на іншыя мовы», — кажа Фядута.
Арыштаваная і ўратаваная: Фядута выдаў кнігу пра галоўны твор беларускай літаратуры
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць
Бяляцкі: «Трэба выдаваць кнігі на беларускай мове. Па-руску кнігі трэба выдаваць у Расіі». Фядута абурыўся
Каментары