Ён выправіўся ў паход з 32‑гадовым ізраільцянінам. Падчас каменяпаду загінулі абодва альпіністы.
У нядзелю, 12 ліпеня, на гары Матэрхорн загінулі два альпіністы — 32‑гадовы ізраільцянін Алам Фарэс і яго напарнік па ўзыходжанні, грамадзянін Беларусі. Пра гэта паведамляюць швейцарскія СМІ і выданне Ynet, якое ўзяло інтэрв'ю ў сваякоў загінулага ізраільцяніна.
Паводле швейцарскай пракуратуры кантона Вале, здарэнне адбылося каля 11‑й гадзіны раніцы на вышыні прыкладна 4030 метраў падчас спуску з вяршыні.
Дзядзька Алама Фарэса расказаў, што пляменнік выправіўся ў Швейцарыю ў сераду разам з напарнікам з Беларусі. Дасягнуўшы вяршыні, Алам паведаміў, што ўсё добра, і пачаў спуск. Праз некалькі гадзін сувязь з ім знікла. Сведкі на месцы паведамілі, што бачылі, як два чалавекі ўпалі ў выніку каменяпаду.
Ратавальная аперацыя з выкарыстаннем верталётаў доўжылася каля чатырох гадзін. Пасля дзвюх гадзін пошуку былі знойдзеныя два целы, якія адпавядалі апісанню альпіністаў.
Паводле сям'і, на целе беларускага альпініста знайшлі пашпарт, што дазволіла ідэнтыфікаваць яго грамадзянства, аднак яго імя пакуль публічна не называлася.
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары