Дональд Трамп адмовіўся ад ідэі ўвесці 20‑працэнтную плату за праход суднаў праз Армузскі праліў, але затое збіраецца прымусіць краіны Блізкага Усходу інвеставаць у ЗША.
Раней ён заявіў, што за праход караблёў ЗША будуць спаганяць частку кошту грузу, каб кампенсаваць выдаткі на забеспячэнне бяспекі суднаходства ў гэтым раёне. Аднак ужо на наступны дзень Трамп паведаміў, што замест гэтага плануюцца буйныя інвестыцыйныя і гандлёвыя пагадненні з краінамі Персідскага заліва.
«Па выніках надзвычай плённых перамоў з кіраўніцтвам краін Блізкага Усходу я прыняў рашэнне замяніць 20%-ю камісію за пакрыццё выдаткаў ЗША гандлёвымі і інвестыцыйнымі здзелкамі, якія розныя краіны Персідскага заліва будуць заключаць з Злучанымі Штатамі. Гэтыя інвестыцыі будуць велізарнымі, але ў той жа час надзвычай выгаднымі для іх і для іх будучыні», — напісаў прэзідэнт ЗША ў сваёй сацсетцы TruthSocial.
Канкрэтныя дзяржавы і сумы інвестыцый ён не назваў.
Ідэя ўвядзення платы за праход выклікала крытыку, бо яна супярэчыць міжнародным правілам суднаходства. Раней прадстаўнікі амерыканскай адміністрацыі заяўлялі, што ў міжнародных водных шляхах нельга ўводзіць зборы за праход суднаў.
Таксама адзначалася, што ў папярэдніх дамоўленасцях паміж ЗША і Іранам прадугледжвалася захаванне свабоднага суднаходства праз Армузскі праліў на час перамоў аб далейшым пагадненні.
Паводле ацэнак экспертаў, калі б збор у памеры 20% ад кошту грузаў быў уведзены, перавозкі праз праліў маглі б значна падаражэць — больш чым удвая.
Трамп: ЗША возьмуць Армузскі заліў пад кантроль і забяспечаць яго ахову. Але не задарма
ЗША нанеслі некалькі ўдараў па Іране
Амерыканская армія нанесла новыя ўдары па Іране: атакаваныя сістэмы СПА і катары КВІР у Армузскім праліве
У Іране ўсклалі адказнасць за ўдар па суднах у Армузскім праліве на «непадкантрольныя элементы»
Цяпер чытаюць
«Ліпа ва ўсіх сэнсах». Вось як будуць выглядаць дрэвы ў вазонах на галоўным мінскім праспекце1
Каментары
А вось мне было зразумела спачатку, што ніякія 20% не будуць у ведзенныя.
Жвір, я з вамі згодзен.