Tramp pieradumaŭ źbirać płatu za prachod sudnaŭ praz Armuzski praliŭ
Donald Tramp admoviŭsia ad idei ŭvieści 20‑pracentnuju płatu za prachod sudnaŭ praz Armuzski praliŭ, ale zatoje źbirajecca prymusić krainy Blizkaha Uschodu inviestavać u ZŠA.
Raniej jon zajaviŭ, što za prachod karabloŭ ZŠA buduć spahaniać častku koštu hruzu, kab kampiensavać vydatki na zabieśpiačeńnie biaśpieki sudnachodstva ŭ hetym rajonie. Adnak užo na nastupny dzień Tramp paviedamiŭ, što zamiest hetaha płanujucca bujnyja inviestycyjnyja i handlovyja pahadnieńni z krainami Piersidskaha zaliva.
«Pa vynikach nadzvyčaj plonnych pieramoŭ z kiraŭnictvam krain Blizkaha Uschodu ja pryniaŭ rašeńnie zamianić 20%-ju kamisiju za pakryćcio vydatkaŭ ZŠA handlovymi i inviestycyjnymi ździełkami, jakija roznyja krainy Piersidskaha zaliva buduć zaklučać z Złučanymi Štatami. Hetyja inviestycyi buduć vielizarnymi, ale ŭ toj ža čas nadzvyčaj vyhadnymi dla ich i dla ich budučyni», — napisaŭ prezident ZŠA ŭ svajoj sacsietcy TruthSocial.
Kankretnyja dziaržavy i sumy inviestycyj jon nie nazvaŭ.
Ideja ŭviadzieńnia płaty za prachod vyklikała krytyku, bo jana supiarečyć mižnarodnym praviłam sudnachodstva. Raniej pradstaŭniki amierykanskaj administracyi zajaŭlali, što ŭ mižnarodnych vodnych šlachach nielha ŭvodzić zbory za prachod sudnaŭ.
Taksama adznačałasia, što ŭ papiarednich damoŭlenaściach pamiž ZŠA i Iranam praduhledžvałasia zachavańnie svabodnaha sudnachodstva praz Armuzski praliŭ na čas pieramoŭ ab dalejšym pahadnieńni.
Pavodle acenak ekśpiertaŭ, kali b zbor u pamiery 20% ad koštu hruzaŭ byŭ uviedzieny, pieravozki praz praliŭ mahli b značna padaražeć — bolš čym udvaja.
Tramp: ZŠA voźmuć Armuzski zaliŭ pad kantrol i zabiaśpiečać jaho achovu. Ale nie zadarma
ZŠA nanieśli niekalki ŭdaraŭ pa Iranie
Amierykanskaja armija naniesła novyja ŭdary pa Iranie: atakavanyja sistemy SPA i katary KVIR u Armuzskim pralivie
U Iranie ŭskłali adkaznaść za ŭdar pa sudnach u Armuzskim pralivie na «niepadkantrolnyja elemienty»
Kamientary
A voś mnie było zrazumieła spačatku, što nijakija 20% nie buduć u viedziennyja.
Žvir, ja z vami zhodzien.