Wildberries пачаў шукаць складскія памяшканні ў Казахстане праз атакі ўкраінскіх беспілотнікаў
Найбуйнейшы расійскі маркетплэйс Wildberries пачаў пошук складскіх памяшканняў у Казахстане пасля серыі ўкраінскіх удараў па лагістычных цэнтрах на тэрыторыі Расіі, паведамілі газеце «Коммерсант» чатыры крыніцы на рынку нерухомасці.
Паводле слоў аднаго з суразмоўцаў, кампанія шукае памяшканні агульнай плошчай каля 100 тысяч квадратных метраў. Іншая крыніца адзначыла, што Wildberries гатовы арандаваць усе даступныя складскія плошчы ў Казахстане. Такім чынам маркетплэйс разлічвае абараніць частку сваіх лагістычных магутнасцяў ад атак украінскіх беспілотнікаў, растлумачылі суразмоўцы «Коммерсанта».
Пры гэтым знайсці адпаведныя аб'екты ў Казахстане можа быць няпроста. Паводле даных NF Group, на канец 2025 года ў краіне налічвалася 1,9 млн квадратных метраў якасных лагістычных плошчаў, але свабоднымі заставаліся толькі 5,8 %.
Кіруючы партнёр IBC Global Станіслаў Ахмедзянаў адзначыў, што адзінага складскога комплексу плошчай 100 тысяч квадратных метраў на казахстанскім рынку няма. На канец чэрвеня 2026 года свабоднымі лічыліся ўсяго 130 тысяч квадратных метраў, размешчаных у розных гарадах краіны.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары