Амерыканская армія нанесла новыя ўдары па Іране: атакаваныя сістэмы СПА і катары КВІР у Армузскім праліве
У нядзелю, 12 ліпеня, узброеныя сілы ЗША здзейснілі серыю ўдараў па вайсковых аб'ектах у Іране. Пра гэта паведаміў журналіст выдання Axios Барак Равід са спасылкай на высокапастаўленага амерыканскага чыноўніка.
Паводле інфармацыі журналіста, пад атаку патрапілі іранскія ракетныя комплексы, сістэмы супрацьпаветранай абароны, а таксама катары Корпуса вартавых ісламскай рэвалюцыі.
Іранскі бок ужо пацвердзіў наяўнасць ахвяр. Як перадае дзяржаўнае інфармагенцтва IRNA, у выніку нападаў на ўзбярэжжы Персідскага заліва загінуў адзін супрацоўнік тэлекамунікацыйнай кампаніі Mobile Communications of Iran, яшчэ двое атрымалі раненні.
Канфлікт закрануў і суседнія рэгіёны. Міністэрства абароны Кувейта заявіла, што падчас абмену ўдарамі паміж ЗША і Іранам пацярпелі тры памежныя пасты і марская буравая платформа, якая належыць дзяржаўнай нафтагазавай карпарацыі Kuwait Petroleum. Іранскі рэсурс Fars адзначыў, што КВІР у адказ дронамі атакаваў амерыканскія ракетныя пускавыя ўстаноўкі на тэрыторыі Кувейта.
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм14
Каментары