Двум беларускім легіянерам балгарскага ЦСКА адмовілі ў брытанскіх візах
Брамнік Фёдар Лапавухаў і паўабаронца Макс Эбонг не дапамогуць сваёй камандзе ў матчы ў адказ першага кваліфікацыйнага раўнда Лігі Еўропы супраць паўночнаірландскага «Дэры Сіці».
Футбалістаў няма ў аэрапорце Сафіі разам з камандай, якая рыхтуецца да вылету на Брытанскія астравы, піша football.by.
«ЦСКА паведамляе, што на гэты момант нашы футбалісты і гульцы зборнай Беларусі — Фёдар Лапавухаў і Макс Эбонг — яшчэ не атрымалі ад брытанскіх уладаў неабходныя візы для паездкі ў Паўночную Ірландыю.
ЦСКА своечасова падаў усе неабходныя дакументы, аднак пытанне дагэтуль не вырашана. Клуб праінфармаваў пра сітуацыю ўсе кампетэнтныя балгарскія ўстановы, а таксама УЕФА.
Калі абодва гульцы не атрымаюць візы своечасова, яны не змогуць прыняць удзел у матчы ў адказ супраць «Дэры Сіці» ў першым кваліфікацыйным раўндзе Лігі Еўропы, які адбудзецца 16 ліпеня», — гаворыцца ў заяве ЦСКА.
У першым матчы балгарская каманда перамагла на сваім полі з лікам 3:2.
Цяпер чытаюць
Латвія «па тэхнічных прычынах» закрыла мяжу з Беларуссю21
Каментары