ЕС вырашыў з 2027 года спыніць даваць прытулак ваеннаабавязаным украінцам
Краіны Еўрапейскага саюза дамовіліся падоўжыць яшчэ на год — да 4 сакавіка 2028 года — дзеянне рэжыму часовай абароны для ўкраінскіх бежанцаў. Гэта забяспечыць «яснасць і прадказальнасць для ўсіх, хто ратуецца ад вайны», гаворыцца ў заяве Рады ЕС, піша The Moscow Times.
Разам з тым краіны блоку «пагадзіліся, што часовая абарона павінна давацца толькі тым, хто выканаў свае воінскія абавязкі перад Украінай».
Адмова ў выдачы часовай абароны ваеннаабавязаным украінцам будзе прымяняцца толькі да новых заяўнікаў пасля 4 сакавіка 2027 года — да гэтага часу будуць дзейнічаць цяперашнія правілы.
Каб атрымаць такі статус у ЕС, чалавек павінен будзе пацвердзіць выкананне сваіх воінскіх абавязкаў, адзначаецца ў дакуменце. Напрыклад, прад'явіўшы пашпарт са штампам аб выездзе, пастаўленым украінскімі ўладамі, які пацвярджае, што заяўнік пакінуў краіну на законных падставах і, адпаведна, выканаў гэтыя абавязкі. Або прадставіўшы іншы дакумент, які пацвярджае вызваленне ад іх або іх выкананне.
Пасля расійскага ўварвання ў 2022 годзе статус часовай абароны ў краінах ЕС атрымалі каля 4,3 мільёна ўкраінцаў, якія ўцяклі ад вайны. Аднак з мінулага года рэзка павялічылася колькасць маладых мужчын, якія пераехалі ў Еўропу, пасля таго як урад Украіны летам 2025 года змякчыў правілы іх выезду, спадзеючыся, што свабода перамяшчэння дапаможа вярнуць тых, хто выехаў раней або змог пакінуць краіну ў апошнія гады.
Толькі за першыя тры месяцы пасля змянення правіл больш за 121 тысячу ўкраінскіх мужчын прыехалі ў Польшчу, многія з іх пасля пераехалі ў Германію, адзначала польская газета Rzeczpospolita. Каля 50 тысяч з іх пасля падалі заявы на атрыманне часовай абароны. Напрыканцы мінулага года канцлер Германіі Фрыдрых Мерц нават прасіў Уладзіміра Зяленскага спыніць гэты паток.
Як адзначала Рада ЕС, рыхтуючы цяперашнія абмежаванні, урады некаторых краін выказалі занепакоенасць тым, што «ўсё большую долю сярод тых, хто нядаўна прыбыў, складаюць мужчыны прызыўнога ўзросту». Пры гэтым Узброеныя сілы Украіны працягваюць сутыкацца з сур'ёзнымі праблемамі пры камплектаванні войска. Значную частку асабовага складу па-ранейшаму складаюць тыя, хто пайшоў абараняць краіну ад расійскай агрэсіі яшчэ ў пачатку вайны.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары