Сацыяліст Зохран Мамдані кіруе Нью-Ёркам з пачатку года. Як паказвае новае даследаванне, усё больш мільянераў пакідае горад.
Паводле даных некамерцыйнай арганізацыі Citizen Budget Commission («Грамадзянская бюджэтная камісія»), з-за гэтага горад ужо страціў 11 мільярдаў даляраў падатковых паступленняў, піша Bild.
Яшчэ да ўступлення Мамдані на пасаду Нью-Ёрк страціў амерыканскіх мільянераў. У 2010 годзе там пражывалі 12,7% уладальнікаў капіталу на адзін мільён даляраў і больш, а ў 2022 годзе — ужо толькі 8,7%. Найбольшую выгаду ад гэтага атрымалі штаты Тэхас і Фларыда, якія лічацца больш спрыяльнымі для бізнэсу. Тым не менш Мамдані мае намер яшчэ больш павысіць падаткі для «багатых».
«Зніжэнне долі падаткаплацельшчыкаў з высокімі даходамі мае сур'ёзныя наступствы», — адзначаецца ў даследаванні. У Нью-Ёрку адзін працэнт насельніцтва з самымі высокімі даходамі выплачвае 45% усіх паступленняў ад падаходнага падатку. «Таму даходы гарадскога бюджэту ў значнай ступені залежаць ад таго, ці застануцца ў Нью-Ёрку людзі з высокімі заробкамі», — адзначыў эканаміст Джарэд Вальчак у каментарыі для газеты New York Post.
Нягледзячы на гэтыя ўражальныя лічбы, Мамдані застаецца прыхільнікам сваёй палітыкі. «Я лічу, што самыя багатыя могуць зрабіць яшчэ крыху больш, каб кожны меў магчымасць дазволіць сабе жыць тут», — сказаў ён, адказваючы на пытанне пра вынікі даследавання.
Аднак эканамісты сумняваюцца ў такой логіцы. «З'язджаюць людзі, якія фінансуюць найбольшую частку бюджэту, з якога аплачваюцца сацыяльныя праграмы, прызначаныя для падтрымкі самых неабароненых», — адзначыў Стыў Фулап, кіраўнік эканамічнага аб'яднання Partnership for New York City.
Цяпер чытаюць
Сяргей Ціханоўскі запусціў свой ютуб-канал з вершамі і казкамі69
Каментары