«Найгоршы ва ўсёй Беларусі». Жыхары Слоніма раскрытыкавалі адказ райвыканкама пра чыгуначны пераезд
Жыхары Слоніма засталіся незадаволеныя афіцыйным адказам райвыканкама на скаргу пра стан чыгуначнага пераезда на вуліцы Мінскі тракт. На іх думку, чыноўнікі не зразумелі сутнасці праблемы, бо людзі прасілі не проста залатаць ямы асфальтам, а цалкам замяніць разбіты насціл паміж рэйкамі, піша BGmedia.
Пасля таго як мясцовы жыхар назваў пераезд «выпрабавальным стэндам для падвескі» і звярнуў увагу на выкарыстанне ў іншых гарадах сучасных гумавых насцілаў, у чат-боце райвыканкама паведамілі, што ў жніўні—верасні тут запланаваны звычайны ямачны рамонт.
Гэты адказ выклікаў новую хвалю абурэння.
Слонімцы падкрэсліваюць, што латанне дзірак не вырашыць шматгадовую праблему, і называюць аб’ект найгоршым чыгуначным пераездам ва ўсёй Беларусі.
Вадзіцелям даводзіцца літаральна паўзці, каб не пашкодзіць машыны, альбо выязджаць на сустрэчную паласу дзеля аб’езду велізарнай ямы, а матацыклісты часам увогуле вядуць транспарт у руках. Жыхары адзначаюць неэфектыўнасць чарговых латак, якія хутка разбураюцца, а ў спякоту плавяцца на колах.
Да таго ж людзі скардзяцца на працяглыя перакрыцці руху, калі стаяць перад шлагбаумам даводзіцца па 15—30 хвілін яшчэ да з’яўлення цягніка.
У выніку гараджане сыходзяцца ў меркаванні, што замест касметычнага рамонту неабходна правесці капітальную рэканструкцыю і замяніць старое бетоннае пакрыццё сучасным гумавым. Менавіта гэтага яны і патрабавалі ў звароце, аднак у адказ атрымалі рашэнне зусім іншага кшталту.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна44
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары