Маці прапагандыста Ігара Тура Лукашэнка даў медаль Францыска Скарыны
30 чэрвеня Аляксандр Лукашэнка ўручаў дзяржаўныя ўзнагароды, і сярод узнагароджаных была і Ірына Тур — дырэктарка Дома культуры ў Лідзе. Гэта маці аднаго з ключавых прапагандыстаў лукашэнкаўскага рэжыму Ігара Тура, а ўшанавалі яе медалём Францыска Скарыны, піша «Гродзенская праўда».
Ірына Тур родам з вёскі ў Мядзельскім раёне, скончыла харэаграфічнае аддзяленне культурна-асветніцкага вучылішча ў Мінску (цяпер Мінскі дзяржаўны каледж мастацтваў). Пасля працавала мастацкай кіраўніцай у вясковых дамах культуры, рэжысёркай, а пасля і дырэктаркай Лідскага раённага навукова-метадычнага цэнтра. Дом культуры ў Лідзе яна ўзначальвае ўжо 20 гадоў, тут жа загадвае дзіцячым аддзелам і яе дачка Вольга Каплун.
Згадвае яна ў размове з абласнымі прапагандыстамі і пра свайго знакамітага сына, сцвярджаючы, што ягоныя «маральныя каштоўнасці», якія мае магчымасць назіраць праз тэлевізар уся краіна — вынік сямейнага выхавання:
«Медаля Францыска Скарыны сын быў удастоены на 5 гадоў раней за мяне. І бачна, што гэта яго вельмі бянтэжыць. Але, думаю, што ён, сам будучы бацькам, разумее: для кожнага з бацькоў дасягненні дзяцей даражэйшыя за іх уласныя ўзнагароды. Галоўнае — што нашы сямейныя традыцыі ён перанёс у сваю сям'ю, а прышчэпленыя маральныя каштоўнасці — у прафесійную дзейнасць і адносіны з атачэннем».
Бацька Ігара Тура, Пятро Тур, у свой час скончыў авіяцыйнае тэхнічнае вучылішча цывільнай авіяцыі, а пасля «займаў сур'ёзную пасаду на горадаўтваральным прадпрыемстве». У мінулым годзе паведамлялася, што ён працуе інжынерам у філіяле «Лідскія электрычныя сеткі».
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары