Мама прапагандыста Ігара Тура пераабіраецца ў лідскія дэпутаты ад «Белай Русі»
53-гадовая Ірына Тур дырэктарствуе ў палацы культуры ў Лідзе.
Ірына Тур — дзейная дэпутатка Лідскага райсавету. Яна сакратарка камісіі па камунальных і сацыяльных пытаннях.
У 2018 годзе Тур трапіла ў райсавет як беспартыйная вылучэнка. Цяпер жа балатуецца як сябра партыі «Белая Русь».
Пра Ірыну Тур часта піша мясцовая раёнка, акцэнтуючы ўвагу на гісторыі поспеху не як дэпутаткі, а работніцы сферы культуры.
Палацам культуры ў Лідзе яна кіруе больш за 15 гадоў. Узнагароджаная нагрудным знакам Міністэрства культуры «За ўклад у развіццё культуры Беларусі».
Пра дэпутацкія дасягненні Ірыны Тур інфармацыі вобмаль. Часцяком яе выпраўляюць віншаваць арганізацыі з прафесійнымі святамі.
Пра сябе Тур кажа, што для яе важная ўтульная сямейная гавань, аднак у сучасных рэаліях не менш важна знайсці справу па душы і самарэалізавацца на працоўным месцы.
Ірына Тур стараецца не згадваць у інтэрв'ю пра свайго сына, журналіста АНТ Ігара Тура. Больш гаворыць пра дачку, Вольгу Каплун, якая працуе разам з маці ў Палацы культуры.
Вольга Каплун замужам за супрацоўнікам Міністэрства надзвычайных сітуацый. Сям’я жыве ў пасёлку Першамайскі — гэта прыгарад Ліды. Там жыве з мужам і Ірына Тур.
Прапагандыст Ігар Тур нарадзіўся ў 1989 годзе. Скончыў факультэт журналістыкі БДУ. На АНТ Тур прыйшоў у 2014 годзе. Пазнавальным тварам прапаганды стаў падчас выбарчай кампаніі 2020 года. Цяпер ён у пуле Лукашэнкі. За сваю працу атрымаў медаль Францыска Скарыны.
«Наша Нiва» — бастыён беларушчыны
ПАДТРЫМАЦЬГлядзіце таксама:
Дзе працуюць і як выглядаюць жонкі топ-чыноўнікаў? Першая частка
Работнік Следчага камітэта пайшоў у дэпутаты не ад праўладнага спіса. І нават не дайшоў да выбараў
Прапагандыст Ігар Тур: Я крыху расіст, Украіна — не дзяржава
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка6
Каментары