Mama prapahandysta Ihara Tura pieraabirajecca ŭ lidskija deputaty ad «Biełaj Rusi»
53-hadovaja Iryna Tur dyrektarstvuje ŭ pałacy kultury ŭ Lidzie.
Iryna Tur — dziejnaja deputatka Lidskaha rajsavietu. Jana sakratarka kamisii pa kamunalnych i sacyjalnych pytańniach.
U 2018 hodzie Tur trapiła ŭ rajsaviet jak biespartyjnaja vyłučenka. Ciapier ža bałatujecca jak siabra partyi «Biełaja Ruś».
Pra Irynu Tur časta piša miascovaja rajonka, akcentujučy ŭvahu na historyi pośpiechu nie jak deputatki, a rabotnicy śfiery kultury.
Pałacam kultury ŭ Lidzie jana kiruje bolš za 15 hadoŭ. Uznaharodžanaja nahrudnym znakam Ministerstva kultury «Za ŭkład u raźvićcio kultury Biełarusi».
Pra deputackija dasiahnieńni Iryny Tur infarmacyi vobmal. Čaściakom jaje vypraŭlajuć vinšavać arhanizacyi z prafiesijnymi śviatami.
Pra siabie Tur kaža, što dla jaje važnaja ŭtulnaja siamiejnaja havań, adnak u sučasnych realijach nie mienš važna znajści spravu pa dušy i samarealizavacca na pracoŭnym miescy.
Iryna Tur starajecca nie zhadvać u intervju pra svajho syna, žurnalista ANT Ihara Tura. Bolš havoryć pra dačku, Volhu Kapłun, jakaja pracuje razam z maci ŭ Pałacy kultury.
Volha Kapłun zamužam za supracoŭnikam Ministerstva nadzvyčajnych situacyj. Siamja žyvie ŭ pasiołku Pieršamajski — heta pryharad Lidy. Tam žyvie z mužam i Iryna Tur.
Prapahandyst Ihar Tur naradziŭsia ŭ 1989 hodzie. Skončyŭ fakultet žurnalistyki BDU. Na ANT Tur pryjšoŭ u 2014 hodzie. Paznavalnym tvaram prapahandy staŭ padčas vybarčaj kampanii 2020 hoda. Ciapier jon u pule Łukašenki. Za svaju pracu atrymaŭ miedal Francyska Skaryny.
«Naša Niva» — bastyjon biełaruščyny
PADTRYMAĆHladzicie taksama:
Dzie pracujuć i jak vyhladajuć žonki top-čynoŭnikaŭ? Pieršaja častka
Rabotnik Śledčaha kamiteta pajšoŭ u deputaty nie ad praŭładnaha śpisa. I navat nie dajšoŭ da vybaraŭ
Prapahandyst Ihar Tur: Ja krychu rasist, Ukraina — nie dziaržava
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary