Літоўскія памежнікі пасадзілі адразу чатыры кантрабандныя дроны з Беларусі
У ноч на суботу літоўскія памежнікі правялі ўнікальную аперацыю, адначасова перахапіўшы ў Друскеніках чатыры беспілотнікі, якія ляцелі з тэрыторыі Беларусі. Гэта першы выпадак, калі столькі дронаў атрымалася прымусова пасадзіць адначасова ў адным месцы.
Здарэнне адбылося прыкладна за 1 кіламетр ад беларуска-літоўскай мяжы. Памежнікі пачулі ў цемры характэрны гук некалькіх лятальных апаратаў, а тэхнічныя сродкі назірання адначасова зафіксавалі паветраныя аб'екты.
Супрацоўнікі пагранічнай службы аператыўна выкарысталі антыдронавае абсталяванне, і ўсе чатыры квадракоптэры адзін за адным упалі на зямлю. Падчас пошукавай аперацыі ў лясістай мясцовасці памежнікі знайшлі і самі апараты, і груз, які яны пераносілі.
Як высветлілася пасля падліку на заставе, кантрабандысты спрабавалі пераправіць у Літву 5000 пачкаў сігарэт з беларускімі акцызнымі маркамі. Кошт гэтай партыі з улікам усіх падаткаў у Літве складае больш за 27,5 тысяч еўра.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары