Беларусы працягваюць дзяліцца ў сацыяльных сетках гісторыямі пра непрыемныя знаходкі ў шакаладнай прадукцыі фабрыкі «Камунарка». Адны пакупнікі выявілі ў шакаладнай плітцы запячатаную муху, іншыя — лічынак, што выклікала ажыўленую дыскусію пра якасць прадукцыі і ўмовы яе захоўвання.
Першай нагодай для абмеркавання стаў допіс карыстальніцы Threads пад нікам.equ..taha._. Дзяўчына расказала, што купіла шакаладку «Любімая Алёнка», аднак пасля адкрыцця ўпакоўкі заўважыла ў верхнім куце пліткі запячатаную муху, піша «Мінская праўда».
Паводле яе слоў, пасля такой знаходкі апетыт знік імгненна. На зварот пакупніцы аператыўна адрэагавалі прадстаўнікі фабрыкі. У кампаніі папрасілі прабачэння і паведамілі, што інфармацыю ўжо перадалі ў аддзел кантролю якасці, каб высветліць прычыны здарэння і не дапусціць падобных выпадкаў у будучыні.
Неўзабаве ў Threads з'явілася яшчэ адна публікацыя. Карыстальніца nnikki_v паведаміла, што набыла шакалад «Любімая Алёнка» з арахісам і выявіла ўнутры белых лічынак.
Пасля звароту на фабрыку ёй адказалі, што шакалад быў выраблены даволі даўно, таму прычынай маглі стаць неналежныя ўмовы захоўвання ўжо ў гандлёвай сетцы. Менавіта гэтае тлумачэнне выклікала ў карыстальнікаў найбольш пытанняў. Пад публікацыяй разгарнулася актыўнае абмеркаванне. Многія засумняваліся, што такія «сюрпрызы» маглі з'явіцца выключна праз умовы захоўвання.
Вось толькі некаторыя з каментароў:
- «Добра, калі б шакалад проста пабялеў ці расплавіўся. Але адкуль чарвякі?»
- «Калі ўпакоўка была цэлая, то якім чынам лічынкі маглі трапіць туды ўжо ў краме?»
- «Атрымліваецца, прадукт быў заражаны яшчэ да пакупкі?»
- «Пасля такога страшна адкрываць любую шакаладку».
- «Затое натуральны прадукт — ніякіх штучных дабавак».
- «Высокабялковы шакалад».
- «Цяпер буду ўважліва глядзець на тэрмін прыдатнасці і стан упакоўкі».
- «Вельмі непрыемна, асабліва калі купляеш прысмакі дзецям».
Частка карыстальнікаў, наадварот, выказала меркаванне, што такія выпадкі сапраўды могуць быць звязаныя з працяглым захоўваннем прадукцыі або парушэннем тэмпературнага рэжыму ў крамах. Іншыя адзначылі, што ніколі не сутыкаліся з падобнымі праблемамі і працягваюць купляць прадукцыю фабрыкі.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары
Вось мо на Камунарцы зараз працуе.