Žonka biełaruskaha treniera, eks-hulca nacyjanalnaj zbornaj krainy pa chakiei Dźmitryja Mialeški Nadzieja raspaviała ŭ svaim instahramie, što joj dyjahnastavali rak hrudziej.
«30 śniežnia 2019 hoda ja namacała ŭščylnieńnie ŭ hrudziach. Panikavać nie stała, bo try miesiacy tamu była na UHD i ŭsio było dobra. Paśla NH adrazu ž pabiehła praviaracca.
8 studzienia ja daviedałasia, što ŭ mianie rak hrudziej. Treciaja stadyja.
Čamu nie było vidać na UHD? Ja praviarałasia kožnyja paŭhoda. Bo hety vid puchliny maje ahresiŭny, chutki charaktar. Jon, had, paśpieŭ prakraścisia ŭ limfavuzły.
Jak ja? Užo narmalna. Pa žyćci ja aptymist i zaŭsiody vieru tolki ŭ lepšaje! Nastrojena tolki na stanoŭčy vynik!
Napieradzie ŭ mianie ciažki hod baraćby, i heta častka majho žyćcia, jakuju niemahčyma schavać. Ja prajdu hety šlach i stanu macniejšaj. Vaš vybar być sa mnoj abo adpisacca, bo ja zaraz užo nie taja Nadzia, u jakoj usio vydatna, i naŭrad ci budu raniejšaj. Ale majo serca tak ža napoŭniena luboŭju, niama ŭ mianie złości i kryŭdy na žyćcio, naadvarot, ja stała jaho šanavać jašče bolš!!! Kali mnie dasłana takoje vyprabavańnie, značyć, ja pavinna jaho prajści.
Ja budu žyć dziela svaich dziaciej, svajoj siamji, blizkich, rodnych, siabroŭ, jany, zdajecca, pieražyvajuć bolš, čym ja sama. Maje dzieci ŭsio viedajuć, my nikoli nie padmanvali ich, havorym jak jość. Jany viedajuć, što mama vyjdzie pieramožcam: hetaja chvaroba zaraz dobra lečycca.
Mnie nie patrebny žal, a tolki viera i stanoŭčyja prykłady, ludzi, jakija prajšli praz heta i žyvuć zvyčajnym žyćciom. Heta vielmi natchniaje», — napisała Nadzieja Mialeška u svaim Instagram.
Ciapier čytajuć
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ12
Kamientary