Vybirajem akulary na leta 2019: čamu nie varta nasić ružovyja linzy i što raskažuć dužki apravy
Leta — heta šmat sonca. I kab nie žmurycca, treba ŭmieć vybirać pravilnyja soniečnyja akulary.
2019 hod zadaŭ trend na niezvyčajnyja «lisinyja» i hieamietryčnyja formy.
«Sioleta modnyja apravy niezvyčajnaha siłueta, masiŭnyja, absalutna roznych jarkich koleraŭ, — kaža administratarka sałona Rodenstock Viera Skurat. — Koler linzaŭ taksama moža być luby: zialony, sini, fijaletavy, karyčnievy, šery, čorny».
Nie sychodzić moda i na zvykłuju, kłasičnuju, ale hustoŭnuju formu «avijataraŭ» ci kropielek.
«Viedajecie, heta jak va ŭsie časy aktualnyja niekatoryja bazavyja rečy ŭ harderobie, kštałtu maleńkaj čornaj sukienki, tak i tut. «Avijatary» hladziacca vyjhryšna zaŭsiody. Mianiajucca kolery, apravy, ale sama forma linzaŭ zastajecca sučasnaj i aktualnaj. Možna vybrać, naprykład, lusterkavaje pakryćcio — heta nadaść vobrazu peŭnuju zahadkavaść. Pryčym heta pracuje i z mužčynskimi, i z žanočymi, i z uniseks madelami akularaŭ», — dadaje Viera Skurat.
Čamu lepš nie nasić akulary z ružovymi i błakitnymi linzami
Jość linzy, jakija nie skažajuć śviatło: čornyja, šeryja. U ich budzie kamfortna i ŭ horadzie, i na plažy. Karyčnievyja i zialonyja linzy taksama davoli ŭniviersalnyja, jany palapšajuć kantrasnaść, tamu padyduć i kiroŭcam. Pa hetaj ža pryčynie kiroŭcy abirajuć žoŭtyja linzy. Ich časta vykarystoŭvajuć u načny čas, dla pajezdak u pryciemkach, pry tumanie ci vobłačnaści. Ale ŭ takich akularach nie varta znachodzicca na jarkim soncy: jany nie tolki nie abaroniać, a jašče i skaziać kolery».
A voś akulary z błakitnymi i ružovymi linzami kansultanty sałona Rodenstock vybirać nie rajać. Takija adcieńni paharšajuć vizualnaje ŭsprymańnie, skažajuć kolery, źnižajuć dakładnaść bačańnia i dadajuć nahruzku na kryštalik. Tamu jany padychodziać tolki dla peŭnych situacyj, doŭhaje ich našeńnie paprostu škodzić vačam. Toje ž tyčycca i akularaŭ z čyrvonymi linzami.
U jakich akularach treba siadać za rul
Kiravańnie aŭtamabilem — heta zaŭsiody padvyšanaje napružańnie dla vačej. Sprava nie tolki ŭ tym, što treba być maksimalna ŭvažlivym i skancentravanym. Kiravać aŭtamabilem davodzicca i ŭ śnieh, i ŭ doždž, i ŭ husty tuman. Časam treba jechać u noč ci kali sonca ŭ zienicie. Pry hetym treba bačyć i darohu, i znaki, i śvietłafory.
Mienavita tamu ŭsio bolš zapatrabavanymi stanoviacca śpiecyjalnyja palaryzacyjnyja akulary dla kiroŭcaŭ.
«Bolšaść zvyčajnych soncaachoŭnych akularaŭ prosta nie prydatnaja dla kiravańnia. Akulary mohuć być zališnie ciomnymi ci naadvarot — zališnie śvietłymi. Da taho ž, niekatoryja adcieńni linzaŭ skažajuć pradstaŭleńnie ab kolerach i kantraście. Treba razumieć, što standartnyja soncaachoŭnyja akulary nie zdolnyja imhnienna reahavać na źmianieńnie aśvietlenaści», — raskazvaje Viera Skurat.
Samaje hałoŭnaje ŭ akularach dla kiravańnia — admysłovyja fotachromnyja linzy. Jany pavinny być vialikimi, kab maksimalna abaranić vočy kiroŭcy ad aślaplalnaha śviatła, ale pry hetym nie zaminać bakavomu zroku. U akularach dla vadžeńnia abaviazkova pavinien być palaryzatar, jaki błakuje bliki, što źmianšajuć bačnaść.
Što treba pračytać na dužkach akularaŭ pierad pakupkaj
Viera Skurat raić źviarnuć uvahu na ličbu, paznačanuju na dužkach akularaŭ — heta ich katehoryja. Jana moža mieć numar ad 0 da 4.
0 — akulary z dekaratyŭnymi linzami. Jany ad sonca nie abaroniać. Ich možna nasić u pamiaškańni i ŭ pachmurnaje nadvorje.
1 — takija linzy zmohuć abaranić ad niajarkaha sonca.
2-3 — linzy bolš ciomnyja, čym pieršaj katehoryi. U takich akularach možna chadzić soniečnym nadvorjem, adpačyvać na mory, kiravać aŭtamabilem.
4 — katehoryja z maksimalna ciomnymi linzami dla ekstremalnych umoŭ. Takija akulary abaroniać ad aślaplalnaha sonca ŭ harach. A voś za rul u takich linzach siadać nielha.
Jašče nie nabyli akulary? Tady samy čas.
Sałon optyki Rodenstock prapanuje bolš za 400 madelaŭ sučasnych jakasnych soniečnych akularaŭ ad 35 suśvietnych brendaŭ: Rodenstock, Ray Ban, Voque, Guess, Lacoste, Burberry, Calvin Klein, Miu Miu i inšyja. Taksama vy zmožacie zamović tut akulary dla karekcyi zroku i linzy. Prosta ŭ sałonie pry patrebie vy zmožacie prajści abśledavańnie aftalmołaha na sučasnym abstalavańni. Krama mieścicca ŭ Minsku na vulicy Aleha Kašavoha 10 (stancyja mietro «Traktarny zavod»). Zavitvajcie!
Abrać akulary anłajn
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary