U Homielskim rajonie 77-hadovy dačnik zabiŭ 45-hadovaha i zakapaŭ kala svajoj chaty
Padčas pjanaj svarki piensijanier nanios znajomamu nie mienš za 34 udary nažom, rukami, nahami i taburetam. Mužčyna pamior ad vostraj straty kryvi.
Zdareńnie adbyłosia 6 krasavika 2025 hoda ŭ vioscy Ramanavičy Homielskaha rajona. Pavodle SK, 45-hadovy mužčyna pryjechaŭ na daču i zajšoŭ u hości da 77-hadovaha znajomaha z Homiela.
Na dačy piensijaniera jany pili. Padčas kanfliktu, što ŭźnik, 77-hadovy mužčyna nanios znajomamu nie mienš za 34 udary nažom, rukami, nahami i taburetam. Ad atrymanych traŭm 45-hadovy mužčyna pamior na miescy ad vostraj straty kryvi.
Padazravany nikomu nie paviedamiŭ pra ździejśnienaje i pajšoŭ načavać da susieda. Ranicaj jon viarnuŭsia, abharnuŭ cieła zabitaha ŭ bryzient i schavaŭ za haspadarčaj pabudovaj, zatym prybraŭ u chacie, uziaŭ jahony zaplečnik i pajechaŭ u Homiel.
Kab zabłytać ślady, pakinuŭ zaplečnik u aŭtobusie. Na nastupny dzień paviedamiŭ svajakam, što idzie ŭ palikliniku, ale znoŭ nakiravaŭsia na daču, dzie vykapaŭ jamu, pieramiaściŭ tudy cieła i zamaskiravaŭ miesca pachavańnia.
Praź niekalki dzion svajaki zabitaha pačali chvalavacca z-za jaho źniknieńnia i źviarnulisia ŭ milicyju. Pošukava-vyratavalny atrad «Simuran» znajšoŭ schavanuju mahiłu.
Na miesca prybyła śledča-apieratyŭnaja hrupa, i cieła mužčyny dastali ź ziamli.
77-hadovamu piensijanieru pradjaŭlena abvinavačańnie pavodle punkta 6 častki 2 artykuła 139 Kryminalnaha kodeksa Respubliki Biełaruś (zabojstva z asablivaj žorstkaściu). Jon pryznaŭ vinu i supracoŭničaŭ sa śledstvam. Mužčyna nie byŭ raniej sudzimy, ale maje zaležnaść ad ałkaholu.
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie22
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie2
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary