Ciamja admoviłasia ad ultraapracavanych praduktaŭ na miesiac. Nastupstvy ździvili

Ultrapierapracavanyja pradukty (UPP) źviazvajuć z atłuścieńniem, dyjabietam i sardečna-sasudzistymi chvarobami. Tym nie mienš, pa acenkach amierykanskich daktaroŭ, na siońnia ŭ ZŠA dzieci atrymlivajuć 60% kałoryj pastupaje mienavita z ultraapracavanaha: čypsaŭ, šmipsaŭ. Jakija kankretna pradukty nanosiać najbolšuju škodu i čamu, navukoŭcy dahetul spračajucca.

Majklin Duklef (Michaeleen Doucleff) — navukovaja žurnalistka i aŭtarka knih pra vychavańnie dziaciej i ŭpłyŭ sučasnych technałohij i charčavańnia na siamju — vyrašyła raspačać śmieły ekśpierymient sa svajoj vaśmihadovaj dačkoj Rozi: jany pasprabavali całkam admovicca ad užyvańnia UPP na adzin miesiac, raspaviadaje WSJ.

Vyniki pieraŭzyšli ŭsie čakańni. Admova ad UPP kardynalna źmianiła charčovyja zvyčki dački Majklin. Jašče bolš — jaje ŭłasnyja. Hetyja efiekty pierakanali i muža, jaki pačynaŭ ekśpierymient jak skieptyčny naziralnik, taksama pastupova admovicca ad ultrapierapracavanaj ježy.

Spačatku jany vypracavali prostaje praviła, kab dačce Rozi było lahčej raspaznavać UPP u kramie. Jany vyrašyli, što kali ŭ składzie jość inhredyjent, jaki jany doma nie vykarystoŭvajuć ci ledź mohuć vymavić (naprykład, maltadekstryn, sojevy lecycin, huaravaja kamiedź), to taki pradukt nie kuplajecca.

Takim čynam, pad zabaronu trapili ŭsie pradukty z štučnymi aramatyzatarami i ŭsio, što źmiaščaje pierapracavanuju muku, u tym liku bolšaść kramnych krekieraŭ, suchich śniadankaŭ, chleba, batončykaŭ miuśli i vypiečka z kaviarniaŭ. Daviałosia adračysia čypsaŭ, małočnaha šakaładu i aramatyzavanaj hazvady.

Zamiest hetaha jany stali zakuplacca celnymi i minimalna apracavanymi praduktami: aŭsiankaj, naturalnym johurtam, tvarahom i syrami, babovymi, arechami, rybnymi kansiervami, papkornam, śviežaj i zamarožanaj harodninaj i sadavinoj.

Jany damovilisia, što biez UPP u domie možna jeści stolki inšych praduktaŭ, kolki zachočaš. Kali ŭźnikała žadańnie sałodkaha, jany vypiakali jaho sami. Pa zakančeńni miesiaca płanavali acanić vyniki. Ale źmieny adbylisia našmat chutčej.

Prykładna praź dziesiać dzion Majklin zaŭvažyła dziŭnuju reč: jana pierastała ŭvieś čas dumać pra ježu.

Raniej u jaje hałavie hučaŭ pastajanny «šum» — dakučlivyja dumki: što źjeści dalej? Šakaład? Bananavy kieks? Salonuju chrumstkuju zakusku? Biez UPP takaja zaležnaść źnikła. Ciaha da pierakusaŭ rezka pamienšała.

Charčavańnie dački taksama źmianiłasia. Na treci tydzień zdaryłasia toje, čaho maci nie bačyła ŭžo šmat hadoŭ: dziaŭčynka z apietytam źjeła chatniuju viačeru.

Kali cikaŭnaść dački da chatnich straŭ pačała raści, Majklin padumała: ci nie razburajuć ultrapierapracavanyja zakuski ŭ dziaciej apietyt da naturalnaj ježy?

«Biezumoŭna», — kaža psichołah Ešli Hierchart (Ashley Gearhardt) ź Mičyhanskaha ŭniviersiteta, jakaja daśleduje kampulsiŭnaje charčavańnie. Jana tłumačyć, što ultrapierapracavanyja zakuski, jak krekiery, piečyva, batončyki miuśli i želejnyja cukierki (navat «arhaničnyja»), źmiaščajuć šmat rafinavanych cukroŭ ci inšych vuhlavodaŭ, što prymušaje dziaciej znoŭ i znoŭ ciahnucca da ich.

«Paśla vialikaj porcyi krekieraŭ ci piečyva praz paru hadzin cukar u kryvi rezka padaje, i znoŭ chočacca sałodkaha ci mučnoha, — kaža jana. — Tamu ciažka adčuć sapraŭdny hoład, kali ŭvieś dzień pierakusvaješ takimi praduktami».

Daśledavańni pakazvajuć: čym čaściej čałaviek ciahniecca da škodnych zakusak, tym mienš jamu chočacca zdarovaj ježy.

Naprykład, u adnym ekśpierymiencie ludzi, jakija vosiem tydniaŭ jeli johurt ź vialikaj kolkaściu tłušču i cukru, bolš ciahnulisia da niezdarovaha, čym tyja, chto atrymlivaŭ nizkakałaryjnyja zakuski.

Ale jość i dobraja navina: zdarovaja ježa moža źmianić hetuju ciahu. «Kali zvyčajna nie jeści UPP, to navat morkva budzie zdavacca sałodkaj i smačnaj», — kaža psichołah Eryk Stajs (Eric Stice) sa Stenfarda. Inšyja daśledavańni śviedčać: dyjeta, bahataja harodninaj, sadavinaj, arechami i krupami, palapšaje nie tolki fizičnaje, ale i psichičnaje zdaroŭje.

Za miesiac biez UPP Majklin adčuła siabie značna lepš i zrazumieła, što ŭžo nie treba prymušać siabie admaŭlacca ad ich — prosta nie chaciełasia.

Dla Rozi hety ekśpierymient akazaŭsia bolš składanym. Na praciahu ŭsiaho miesiaca joj paŭsiul prapanoŭvali UPP — na viečarynach, u siabroŭ, kala basiejna, na kirmašy, u carkvie i navat na biejsbolnych hulniach. Praź niekalki tydniaŭ admaŭlacca ad usich hetych zakusak vakoł jaje stała amal niemahčyma i vielmi stresava. Tady jany vyrašyli, što patrebny novy nabor stratehij, kab zachavać ład žyćcia ź minimumam UPP.

Kab dać rady, jany ŭviali «zony biez UPP» — dom i aŭto. Takija ramki dapamahajuć źnizić ciahu dziaciej da hetych praduktaŭ. «Heta jak u kurca ŭ samalocie, — tłumačyć Majklin. — Jon viedaje, što nie moža palić, i mozh urešcie pierastaje patrabavać nikacin padčas palotu».

Kali heta zdajecca zanadta žorstkim, psichołah Ešli Hierchart raić spačatku vyklučyć ultraapracavanyja zakuski, zroblenyja hałoŭnym čynam z rafinavanych vuhlavodaŭ, — krekiery, chleb i piečyva. «Kali pačynaju ich jeści, nie mahu spynicca i pierakusvaju ŭvieś dzień, — kaža jana. — U vyniku nie zastajecca apietytu na narmalnuju ježu i niama ničoha karysnaha ŭ racyjonie». Dla zakusak jaje siamja vybiraje arechi, harodninu, sadavinu i minimalna apracavany papkorn.

Majklin taksama vučyć Rozi hatavać. Viadoma, chatnija stravy patrabujuć bolš času, čym kupla hatovych. Kab zekanomić čas, možna vykarystoŭvać kuchonnyja prybory — multyvarku ci aerafryciurnicu. Siamja, naprykład, karystajecca chlebapiečkaj, kab piačy minimalna apracavany chleb, i skarvarakaj — dla tušeńnia i pryhatavańnia babovych.

Kali prybrać z racyjonu UPP, možna zaŭvažyć cikavy efiekt: karysnaja ježa časta akazvajecca i smačniejšaj.

• 45
• 1
• 2
• 4
• 1
• 0
• 0
• 0