Čarnobyl nie daje pra siabie zabyć. U hrybach ź Vietki radyjacyja pieravyšała normu ŭ 82 razy
U kastryčniku ŭ 13 rajonach Homielskaj vobłaści byli zafiksavany značnyja pieravyšeńni normaŭ ceziju-137 u hrybach.
U kastryčniku padraździaleńni radyjacyjnaha kantrolu terytaryjalnych centraŭ hihijeny i epidemijałohii Homielskaj vobłaści praviali daśledavańnie 1108 prob charčovych praduktaŭ i 102 prob vady na ŭtrymańnie ceziju-137.
Pieravyšeńni narmatyvaŭ zarehistravanyja ŭ Brahinskim, Vietkaŭskim, Homielskim, Dobrušskim, Jelskim, Kalinkavickim, Karmianskim, Lelčyckim, Łojeŭskim, Naraŭlanskim, Rečyckim, Śvietłahorskim i Chojnickim rajonach.
Tak, pry narmatyvie 500 Bk/kh utrymańnie ceziju-137 u probach hryboŭ i praduktaŭ ich pierapracoŭki skłała ad 528 (Łojeŭski rajon) da 41 444 Bk/kh (Vietkaŭski rajon).
Pry narmatyvie 2500 Bk/kh, uzrovień utrymańnia ceziju-137 u probach hryboŭ sušanych skłaŭ 6482 Bk/kh (Kalinkavicki rajon).
Praviedzienyja daśledavańni 145 prob vady i charčovych praduktaŭ na ŭtrymańnie stroncyju-90, pieravyšeńnia narmatyvaŭ nie ŭstanoŭlena.
Pravieści łabaratornyja daśledavańni pradukcyi možna ŭ terytaryjalnym centry hihijeny i epidemijałohii. Daśledavańni dla nasielnictva pravodziać biaspłatna. Abjom proby dzikarosłaj pradukcyi, jakaja dajecca dla daśledavańnia, pavinien składać nie mienš za 0,5 ł (dla suchich hryboŭ nie mienš za 100 h).
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki7
Kamientary
Ciapier ich prybrali i hetyja hałodnyja mašyny na abočynach kidajuć i pa lesie niešta źbirajuć.