Unutry kvatery — ułasny spa-kompleks. Kaštujuć apartamienty amal 2 miljony dalaraŭ.
U Minsku pradajecca trochpaviarchovaja kvatera, pa svaim pamiery i napaŭnieńni bolš padobnaja da zaharadnaha katedža, piša «Anłajnier».
Žyllo chavajecca ŭ kłubnym domie na vulicy Rumiancava. Zakrytaja terytoryja, videanazirańnie, kanśjerž… U budynku — usiaho čatyry kvatery.
Płošča kvatery — 362 «kvadraty». Vyšynia stolaŭ — bolš za 3 mietry.
Hałoŭnaja asablivaść — ułasny spa-kompleks prosta ŭnutry kvatery. Jon składajecca z paŭnavartasnaha basiejna, niekalkich saŭnaŭ z dušavoj i asobnaj zonaj adpačynku. Usio heta znachodzicca na cokalnym uzroŭni.
Žyłaja častka ŭładkavanaja jak u vialikim domie: majstar-spalnia z ułasnym sanvuzłom i harderobnym pakojem, try dadatkovyja spalni dla siamji ci haściej, prastornaja haścioŭnia z kaminam. Drovy stajać stosami da stoli — i heta taksama častka interjeru.
Kuchnia-stałovaja raźličanaja na vialikuju kampaniju — tut staić stoł na dvanaccać pierson.
Interjer vykanany ŭ kłasičnym styli, ale sastarełym nie vyhladaje. U azdableńni — naturalny marmur, parkiet. Abstaŭlenaja kvatera italjanskaj meblaj. Ubudavany ŭ ścianu akvaryum pracuje jak śvietłavy akcent.
U kvatery ŭstalavanaja sistema «razumny dom», kandycyjaniery, chatni kinateatr. Ź jaje možna trapić na terasu i ŭłasny zakryty dvoryk.
Kaštuje takaja nieruchomaść niaścipłyja $1 850 000.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio17
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary