U Biełarusi prajšli pieršyja navalnicy. U bližejšyja dni paŭtoracca razam sa škvalistym vietram
Biełaruś sustreła pieršyja viasnovyja navalnicy na fonie mocnaha vietru. Pakul bolšuju častku krainy sahravaje antycykłon, ale situacyja pačnie imkliva mianiacca ŭžo da viečara niadzieli, piša kanał «Mietieavajb».
Biełaruś rychtujecca da sustrečy ź viasnovymi navalnicami na fonie ŭvarvańnia arktyčnaha pavietra.
Minułaja noč užo adznačyłasia mocnym vietram, pik jakoha zafiksavali ŭ Słaŭharadzie — paryvy tam dasiahali 22 m/s.
Taksama nočču ŭ staličnym rehijonie prajšli pieršyja navalnicy.
Choć niadzielny dzień jašče raduje žycharoŭ paŭdniovaha zachadu ciapłom, situacyja pačnie imkliva paharšacca ŭžo da viečara. Chałodny front pryniasie karotkačasovyja daždžy i škvalistaje ŭzmacnieńnie vietru da 20 m/s, miescami mahčymyja navalnicy.
U paniadziełak, 6 krasavika, charaktar nadvorja źmienicca jašče bolš radykalna. Kraina apyniecca pad upłyvam aktyŭnaha cykłona «Rapuncel» z centram nad Finlandyjaj. Jaho chałodnyja franty adkryjuć darohu ledzianomu pavietru z poŭnačy Jeŭropy. Sinoptyki papiaredžvajuć, što z-za vialikaha pierapadu cisku viecier na bolšaj častcy terytoryi krainy ŭzmocnicca da 15—20 m/s, a ŭ asobnych rajonach dniom čakajucca paryvy da 22 m/s.
Tempieratura pavietra ŭnačy składzie ad +1 da +8°S, a dniom nie padymiecca vyšej za +6..+12°S, i tolki pa paŭdniovym uschodzie zatrymajecca ciapło da +14°S. U Minsku ŭ paniadziełak čakajecca kala +8..+10°S, karotkačasovyja daždžy i mahčymaja navalnica ŭ druhoj pałovie dnia pry paryvistym vietry.
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!4
Kamientary