Iran admoviŭsia ad prapanovy Pakistana nakont zaviaršeńnia vajny z ZŠA i Izrailem
«Tehieran nie budzie prymać nijakich terminaŭ i cisku adnosna zaklučeńnia pahadnieńnia», — zajaviŭ iranski vysokapastaŭleny čynoŭnik.
Iran admoviŭsia ad prapanovy Pakistana adnosna zaviaršeńnia vajny z ZŠA i Izrailem, u ramkach jakoj Tehieran pavinien byŭ razbłakavać Armuzski praliŭ dla spynieńnia bajavych dziejańniaŭ, piša Reuters.
Iranski vysokapastaŭleny čynoŭnik zajaviŭ ahienctvu, što Iran atrymaŭ mirnuju prapanovu ad Pakistana i razhladaje jaje, adnak admaŭlajecca adkryvać Armuzski praliŭ u abmien na časovaje pieramirje.
Jon dadaŭ, što Tehieran nie budzie prymać nijakich terminaŭ i cisku adnosna zaklučeńnia pahadnieńnia. U Iranie taksama ličać, što ZŠA nie hatovyja da pastajannaha spynieńnia ahniu.
Tak Tehieran adreahavaŭ na ramačny płan pa spynieńni bajavych dziejańniaŭ i nastupnym zaklučeńni mirnaha pahadnieńnia ad Pakistana, jaki ŭnačy na paniadziełak taksama pieradaŭ jaho Złučanym Štatam.
Isłamabad čakaŭ, što detali damoŭlenaściaŭ buduć uzhodnieny siońnia, 6 krasavika. Płan praduhledžvaje nieadkładnaje spynieńnie ahniu i adkryćcio Armuzskaha praliva, a taksama nastupnaje zaklučeńnie ŭsiebakovaha pahadnieńnia na praciahu 15—20 dzion.
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary