Biełaruski trenier Alaksiej Špileŭski atrymaje $265 tysiač za zvalnieńnie z rasijskaha kłuba-aŭtsajdara
Pres-słužba nižaharodskaha kłuba «Pary NN» aficyjna paviedamiła pra rasstańnie ź biełaruskim trenieram Alaksiejem Špileŭskim.
«Pary NN» vypłacić Alaksieju Špileŭskamu 20 miljonaŭ rasijskich rubloŭ (kala 265 tysiač dalaraŭ).
Alaksiej Špileŭski ŭznačaliŭ «Pary NN» u červieni 2025 hoda paśla taho, jak adtul byŭ zvolnieny inšy biełaruski trenier — Viktar Hančarenka. Pierad hetym Špileŭski try hady ŭznačalvaŭ kiprski kłub «Arys» ź Limasoła, ź jakim staŭ čempijonam Kipra i ŭ 2023 hodzie byŭ pryznany najlepšym trenieram čempijanatu Kipra.
U «Pary NN» Špileŭski atrymlivaŭ pa 60 tysiač jeŭra na miesiac. Niepasredna zarobak u biełarusa — 57 800 jeŭra, ale jašče 2200 jeŭra jamu płacili na arendu kvatery.
Vyniki ŭ 37‑hadovaha biełarusa byli sumnyja, paraza za parazaj. Za try tury da finišu kłub zajmaje pieradapošni radok, adstavańnie ad 12‑ha miesca składaje čatyry bały, ad 14-ha, jakoje budzie hulać u stykavych matčach, — dva bały.
Vyhaniać Špileŭskaha było doraha. U kantrakcie prapisana, što kali pry ciapierašnich vynikach treniera zvalniajuć da Novaha hoda, to jamu pavinny buduć zapłacić 800 tysiač jeŭra niaŭstojki. Kali paśla Novaha hoda — prykładna 240 tysiač jeŭra.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar18
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku33
Kamientary