Biełaruskamu futbolnamu trenieru, jaki prajhraŭ 8 z 9 apošnich matčaŭ, płaciać u Rasii pa 60 tysiač jeŭra na miesiac
Ale i vyhnać nie mohuć, bo tady daviadziecca zapłacić Alaksieju Špileŭskamu 800 tysiač jeŭra niaŭstojki.
37‑hadovy biełaruski hałoŭny trenier kłuba «Pary NN» z rasijskaha Nižniaha Noŭharada Alaksiej Špileŭski zarablaje 60 tysiač jeŭra na miesiac.
Jak śćviardžaje insajdar Ivan Karpaŭ, niepasredna zarobak u biełarusa — 57 800 jeŭra, ale jašče 2200 jeŭra jamu płaciać na arendu kvatery.
Pad kiraŭnictvam Špileŭskaha «Pary NN» idzie na apošnim miescy ŭ čempijanacie Rasii. Kamanda prajhrała 8 z 9 apošnich matčaŭ, adnak vyhnać treniera nie tak i prosta.
U kantrakcie prapisana, što kali pry ciapierašnich vynikach treniera zvalniajuć da Novaha hoda, to jamu pavinny buduć zapłacić 800 tysiač jeŭra niaŭstojki. Kali paśla Novaha hoda — prykładna 240 tysiač jeŭra.
Alaksiej Špileŭski ŭznačaliŭ «Pary NN» u červieni 2025 hoda paśla taho, jak adtul byŭ zvolnieny inšy biełaruski trenier — Viktar Hančarenka. Pierad hetym Špileŭski try hady ŭznačalvaŭ kiprski kłub «Arys» ź Limasoła, ź jakim dabiŭsia niemałych pośpiechaŭ. Pad jaho kiraŭnictvam «Arys» u 2023 hodzie ŭpieršyniu ŭ historyi staŭ čempijonam Kipra, a paśla prabiŭsia ŭ hrupavy raŭnd Lihi Jeŭropy. U tym ža 2023 hodzie Špileŭski byŭ pryznany najlepšym trenieram čempijanatu Kipra.
Trenier «Arysa»: Prabačcie, ja taksama biełarus, mnie horka, kryŭdna za svaju krainu
«Na matčy chadziła 50 čałaviek, a ciapier 4000». Jak biełarusy pieraradzili futbolnuju kamandu na Kipry i zrabili jaje čempijonam i ekanamičnym pośpiecham
Viktar Hančarenka raskazaŭ, ci hatovy ŭznačalić nacyjanalnuju zbornuju
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Minčanka Anhielina, jakaja prasiła ŭ Łukašenki kvateru za trojniu, atrymała žyllo
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary
I kak mnie prikažietie rabotať?